ИШКОШИМ :САНҶИШИ ОМОДАБОШИИ ҚУВВА ВА ВОСИТАҲОИ МУДОФИАИ ҲУДУДӢ ВА ЗАХИРАҲОИ САФАРБАРӢ БАРГУЗОР ГАРДИД .
Санаи 25 уми апрел дар деҳаи Птупи Ҷамоати деҳоти Птуп ҷиҳати омодабошии қувва ва воситаҳои мудофиаи ҳудуди ва захираҳои сафрбарнамоӣ баргузор гардид, ки дар баргузории он аз 7 адад ҷамоатҳои деҳот захираҳои сафарбарӣ иштирок намуданд.Ҳамзамон дар баргузории ин чорабинӣ тамоми техникҳои мавҷудаи ҷамоатҳои деҳот таъмин гардиданд.
Дар баргузории санҷиши омодабошии қувва ва воситаҳои мудофиаи ҳудудӣ ва захираҳои сафарбарӣ Сардори Ситоди генералии Қувваҳои Мусаллаҳ – муовини якуми вазири Мудофиаи Ҷумҳурии Тоҷикистон генерал майор Саидзода Бобоҷон Абдулқодир иштирок намуданд.
Комиссари ҳарбии ноҳияи Ишкошим майор Хоркашов Хоркаш Иматшоевич вобаста ба қувва ва воситаҳои мудофиаи ҳудуди ва захираҳои сафрбарнамоӣ гузориш доданд. Ҷамъомади баргузоргардида бо садо додани Суруди миллӣ ва сози симфонӣ оғоз гардида, нахуст Сардори Ситоди генералии Қувваҳои Мусаллаҳ – муовини якуми вазири Мудофиаи Ҷумҳурии Тоҷикистон генерал майор Саидзода Бобоҷон Абдулқодир суханронӣ намуда, ҷиҳати дар сатҳи баланду зарурӣ доир намудани ин ҷамъомад ба кулли сокинони шарафманди Ишкошимзамин изҳори сипосу миннатдорӣ баён намуданд.
Раиси ноҳияи Ишкошим Иматшозода Анвар Иматшо суханронӣ намуда, аз дастгириву ғамхориҳои рӯзафзуни Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти рушди бесобиқаи ноҳия ёдоварӣ намуда, қайд доштанд, ки ҳифзи марзу буми хоки муқаддаси Тоҷикистони азиз вазифаи имониву виҷдонии ҳар як шаҳрванди ноҳия мебошад.
Лозим ба зикр аст, ки сокинони ноҳияи Ишкошим ифтихори баланди миллӣ ва ватандӯстӣ дошта, тайи чанд соли охир аввалин шуда нақшаи даъвати ҳарбиро дар рӯзи аввал иҷро менамоянд.
Ҳамзамон дар ин рӯз бо фармоиши Вазири мудофиаи Ҷумҳурии Тоҷикистон раиси ноҳияи Ишкошим Иматшозода Анвар Иматшо, сардори МНДРАИ –и ноҳия Мирзоев Қиматшо Мирзоевич бо рутбаҳои ҳарбӣ сарфароз гардиданд.
Инчунин бо фармоиши Вазири мудофиаи Ҷумҳурии Тоҷикистон як қатор шахсони дар захираҳои эҳтиётӣ буда, ва собиқадорони Қувваҳои Мусаллаҳ ва модароне, ки фарзандони худро ба сафи Қувваҳои Мусаллаҳи Ҷумҳурии Тоҷикистон сафарбар намудаанд бо Сипоснома сарфароз гардонида шуданд.
