ИШКОШИМ: Ҷаласаи Ситоди ҳолатҳои фавқуллода ва мудофиаи гражданӣ баргузор гардид.
Санаи дуюми апрели соли равон дар маҷлисгоҳи Мақомоти иҷроияи ҳокимияти давлатии ноҳияи Ишкошим Ҷаласаи Ситоди ҳолатҳои фавқуллода ва мудофиаи гражданӣ баргузор гардид.Ба ҷаласаи Ситод муовини якуми раиси ноҳия, муовинони раиси ноҳия, роҳбари дастгоҳи раиси ноҳия, мудирони шуъбаҳо, бахшҳои дастгоҳи раиси ноҳия, воҳидҳои сохтории Мақомоти иҷроияи ҳокимияти давлатии ноҳияи Ишкошим, роҳбарони идораю муассисаҳо, мақомотҳои ҳифзи ҳуқуқ, сохторҳои низомӣ ва раиси Ҷамоати деҳоти ба номи Рустамбек Юсуфбеков ва сардорони Кумитаҳои деҳотии Ҷамоати деҳоти ба номи рустамбек Юсуфбеков даъват гардиданд.
Дар ҷаласаи Ситод Раиси ноҳияи Ишкошим Иматшозода Анвар Иматшо – Сардори Ситоди ҳолатҳои фавқуллода ва мудофиаи граждании ноҳия иштирок намуданд.
Сардори бахши Раёсати Кумитаи ҳолатҳои фавқулодда ва мудофиаи гражданӣ дар ноҳияи Ишкошим Хушқадамов Шамшер вобаста ба фаъолияти Ситод дар давоми семоҳаи аввали соли 2025 гузориш доданд.
Раиси ноҳияи Ишкошим Иматшозода Анвар Иматшо – Сардори Ситоди ҳолатҳои фавқуллода ва мудофиаи граждании ноҳия суханронӣ намуда, вобаста ба боришоти барф санаҳои 27 то 29 уми марти соли равон дарҷ намуда, инчунин ҷиҳати дар ҳолати омода қарор доштани техникаҳои муҳандисӣ роҳсозӣ, тоза намудани болопӯшӣ хонаҳо аз барф, тоза намудани заҳбуру каналҳо ва рӯдхонаҳову мавзеҳои селфаро, роҳҳои автомобилгард ташкили навбатдори шабонарӯзӣ дар ҷойҳои хатарнок ва дар ҳолати омодагӣ нигоҳ доштани қувваю воситаҳои зарурӣ барои ҳифзи аҳолӣ аз ҳолатҳои фавқулодда дар хадамотҳои мудофиаи гражданӣ ва ҷамоатҳои деҳоти ноҳия дар баромади худ дарҷ намуда, ба аъзоёни Ситод дастур ва супоришҳои мушаххас доданд.
