Саъдоншоҳ Улфатзода
Сармуҳаррири рӯзномаи “Зиндагӣ”- МИҲД-и ноҳияи Ишкошим ВМКБ
Узви Конфедератсияи Байналмилалии Иттифоқҳои Рӯзноманигорон.
Ҷони ман бод фидои Ту аё ай Ватанам,
Ай ту беҳтар ба ман аз ҳастиву аз ҷону танам.
Ту, аё ганҷи худододаи Яздони бузург,
Баҳри ҳифзат бидиҳам охирин хуни баданам.
Ҷони ман чист? Ҳазор бод фидои Ту шавад, Тоҷикистон! То, ки исми Ту бувад дар даҳанам.
Ман ҳамин хоки Ту бар ҳеч Ҷаҳоне надиҳам,
З-он, чун Модари худ ҳубби Ту аст дар баданам.
Дар бари Ту ба ҷаҳон омадаву боз равам,
Ҷои рӯҳ Арши Ту бод, хоки Ту атри кафанам.
Муқаддасоте,ки барои ҳар як инсони андешаманд ивазнашаванда мебошанд инҳо Ватану Модар,аҳли оилаву бародарону хоҳарон ва зану фарзандон мебошанд.Ҳеч як инсони соҳибақл ин муқаддасотро ба тоҷи тиллоӣ ва ё ба миллиону миллиардҳо пули нақду бойгариҳои дунявӣ иваз нахоҳад кард,зеро ин муқаддасот аз ҳама чизҳо барои як инсони бонангу ору номус, қиматтар аз ҳама ҳудуди сайёраи Замин мебошанд.
Паёмбари сулҳу раҳмат ва ишқу муҳаббат ҳазрати Муҳаммад(с) фармудаанд: “Дӯст доштани Ватан қисмате аз имондорист”.Пас аз ин гуфтаҳои Паёмбари гиромиамон(с) бармеояд,ки аз дӯст доштану обод намудани Ватанамон мо инсонҳо ҷавобгарии дунявӣ дар назди Парвардигорамон дорем ва вазифадорем,ки Ватанамонро дӯст дорем ва онро ба қимати ҷонамон ҳам бошад ,ҳифз кунем,ободу зебо нигоҳ дорем ва ин амонати гузаштагонамонро ба ворисони худ- ватандорони оянда ободу озод боқӣ гузорем.