Аз субҳи барвақт санаи 9 уми сентябр дар ноҳияи Ишкошим тантанаҳои ҷашнвораи 30 солагии Истиқлолияти давалтии Ҷумҳурии Тоҷикистон оғоз гардид. Ҳамзамон бояд қайд намуд, ки дар варзишгоҳи марказии ноҳияи Ишкошим ҷамъомади тантанавӣ ба ифтихори сазовор таҷлил намудани ҷашни пурифтихори миллӣ 30 солагии Истиқлолияти давалтии Ҷумҳурии Тоҷикистон роҳпаймоии идонаи кормандони идораву муассисаҳо ва сокинони деҳаҳои аҳолнишини ҳудуди ноҳия баргузор гардид.
Дар баргузории ҷамъомади идона раиси ноҳияи Ишкошим Мирзозода Мусо Одинамуҳаммад ва намояндаи Ҳукумати Ҷумҳурии Тоҷикистон Саидзода Изатулло Ҳабибулло ҳамаи сокинони шарафманди Ишкошимзаминро ба ин санаи муҳиму тақдирсоз табрику таҳният намуданд. Лозим ба зикр аст, ки дар арафаи таҷлили ҷашни пурифтихори миллиамон 30 солагии Истиқлолияти давлатии Ҷумҳурии Тоҷикистон дастгирии оилаҳои ниёзманду эҳтиёҷманд аз мадди назари Мақомоти иҷроияи ҳокимияти давлатии ноҳияи Ишкошим дур намонда дар якҷоягӣ бо идораву муассисаҳо ва шахсони саховатпеша ба ин қишри ҷомеа бо маблағи зиёда аз 20 ҳазор сомонӣ кӯмаки яквақта расонида шуд. Инчунин ба ду ҷуфти навхонадонадорон ва 14 нафар кӯдакон, ки аз оилаҳои ниёзманд хатнасур гардидаанд, аз ҳисоби фонди захиравии раиси ноҳияи Ишкошим бо маблағӣ зиёда аз 9 ҳазор сомонӣ қадрдонӣ карда шуданд. Намоиши театрикунонидашудаи аҳли фарҳанги ноҳияи Ишкошим муҳтавои чорабинии идона буда, дар фарҷоми намоиш дастагули идона аз номи раиси ноҳияи Ишкошим тақдими аҳли фаҳранги ноҳия гардонида шуд.
