Санаи 5 марти соли 2021 дар толори Мақомоти иҷрои ҳокимияти давлатии ноҳияи Ишкошим бахшида ба таҷлили ҷашни Рӯзи модар чорабинии тантанавӣ доир гардид.
Дар рафти баргузории чорабинӣ раиси ноҳияи Ишкошим Мирзозода Мусо Одинамуҳаммад ҳамаи ҳозирини чорабинӣ ва бонувони ноҳияро табрику намуда дар суханронии худ аз нақши муассир доштани бонувони ноҳияи Ишкошим дар таҳкими сиёсати давлатӣ, пешрафт ва рушди ноҳия ёдоварӣ намуданд.
Баҳри фаъолияти пурсамари меҳнатӣ доштани бонувон дар соҳаҳои иҷтимоиву иқтисодии ноҳия, саҳми назар доштан дар баргузории чорабиниҳо ва озмунҳои доиргашта, якқатор бонувони фаъол бо Ифтихорномаи раиси ноҳия ва мукофоти маблағӣ қадрдонӣ гардиданд.
Дар баробари ин бонувони собиқадори меҳнати ноҳия дар мадди назари Мақомоти иҷрои ҳокимияти давлатии ноҳияи Ишкошим қарор дошта дар доираи таҷлили ин ҷашни пурифтихор аз ҷониби раиси ноҳияи Ишкошим Мирзозода Мусо Одинамуҳаммад баҳри хизматҳои шоиста бо мукофоти маблағӣ қадршиносӣ карда шуданд.
Бояд қайд намуд, ки дастгирии оилаҳои ниёзманд, барҷомонда алалхусус бонувони ин қишри осебпазир таҳти назари доимии мақомоти иҷроияи ҳокимияти давлатии ноҳия қарор дошта, имрӯз низ ба 15 нафар кӯмаки яквақтаи молиявӣ расонида шуд.
Барномаи фарҳангии аҳли ҳунармандони хонаи фарҳанги ноҳия ва қироати порчаҳои шеърии хонандагони муассисат таҳсилоти миёнаи умумии № 21 –и маркази ноҳия ва тарбиятгирандагони кӯдакистонҳои рақами 1 ва рақами 6-и маркази ноҳия идомагари чорабинӣ буд.