Ҳамасола дар саросари кишвари соҳибистиқлоламон санаи 16 ноябр Рӯзи Президенти Ҷумҳурии Тоҷикистон, ки ҳамчун нишони ҳамдилию сарҷамъӣ, муттаҳидӣ, ифтихору ифтихормандӣ аз давлатдории миллӣ мебошад, таҷлил мегардад.
Таҷлили Рӯзи Президент имсол дар ноҳияи Ишкошим дар фазои мутанантан ва идона баргузор гардид.Лозим ба зикр аст, ки дар маркази ноҳия бо иштироки зиёди одамон алалхусус ҷавонон роҳпаймоӣ доир гардид.Роҳпаймочиён таҳти шиорҳои “Пешвои мо-ифтихори мо”, “Тоҷикистон ба пеш!”, “Президенти мо кафили сулҳу субот”, “Мо пайравони Пешвои миллат” ва дигар шиорпартоиҳо аз кӯчаи марказии ноҳия гузашт намуданд.
Дар назди Мақомоти иҷроияи ҳокимияти давлатии ноҳияи Ишкошим хонандагони мактаби санъат ва рассомии ноҳия суруди дастҷамъиро дар васфи Пешвои миллат бо оҳанг хонда сипас раиси ноҳияи Ишкошим Мирзозода Мусо Одинамуҳаммад ва ҳайати расмӣ ва ҳозирин дар саҳни бинои мақомот аз намоиши китобҳои Президенти Ҷумҳурии Тоҷикистон дидан намуданд.
Дар толори Мақомоти иҷроияи ҳокимияти давлатии ноҳияи Ишкошим бо садо додани Суруди миллӣ маҷлиси тантанавӣ баргузор гардид. Раиси ноҳияи Ишкошим Мирзозода Мусо Одинамуҳаммад ҳамаи мардуми шарафманди ноҳияро ба ин санаи навини таърихӣ яъне ба Рӯзи Президент самимона табрик гуфта, дар суханрониҳояшон аз ғамхориҳову дастгириҳои Пешвои миллат дар рушду нумуи ноҳия ёдовар шуданд.
Ҳамчунин бояд дарҷ намуд, ки якқатор кормандони идораву муассисаҳоро барои фаъолияти пурсамари меҳнатӣ бо ифтихорномаи раиси ноҳия қадрдонӣ гардиданд.
Лозим ба зикр аст, ки дар ҳошияи таҷлили Рӯзи Президент бо ибтикори бахши кор бо ҷавонон байни ҷавонон бозии футболи хурд ташкилу гузаронида шуд, ҳамзамон ғолибони дастаҳо бо мукофот сарфароз карда шуданд.
Дастгирии оилаҳои ниёзманд, маъюбон, ятимон ва барҷомондагон пайваста таҳти назари МИҲД ноҳия буда, дар арафаи таҷлили рӯзи Президент аз ҳисоби фонди захиравии Раиси ноҳия ба 12 – оилаҳои ниёзманд ба маблағи 1200- сомонӣ, ва ба 14- оилаҳои эҳтиёҷманд ва ятимони кулл маводи ғизоӣ инчунин аз ҳисоби идораву муассисаҳо ба 36- нафар шахсони ниёзманд ва яккаву танҳо ба маблағи 2345- сомонӣ, кӯмаки яквақта расонида шуд.
Дар интиҳои чорабинӣ намояндаи насли наврас дар васфи Пешвои миллат порчаҳои шеъриро қироат намуда,барномаи фарҳангию фароғатӣ анҷомбахши барномаи мазкур гардид.
