Санаи 16 уми июни соли равон раиси ноҳияи Ишкошим Мирзозода Мусо Одинамуҳаммад ҷиҳати дидан намудан аз рафти корҳои соҳилмустаҳкамнамоӣ дар Ҷамоати деҳоти Птуп сафари корӣ анҷом дода аз рафти кор аз наздик шинос гардиданд.
Дар натиҷаи таъғирёбии иқлим ва гармшавии ҳаво сол то сол сатҳи оби дарёи Панҷ баланд гардида, маҷрои худро дигар намуда истодааст. Баландшавии сатҳи оби дарёи Панҷ ба ба хоҷагии халқи Ҷамоати деҳоти Птуп ҳисороти зиёдеро ворид намуда истодааст.
Бояд қайд намуд, ки дар баробари баландшавии сатҳи оби дарёи Панҷ дар деҳаи Туғгози Ҷамоати деҳоти Птупи ноҳияи Ишкошим дарё маҷрои худро дигар намуда, соҳили чапи дарё ҳудуди деҳа ва заминҳои кишоварзиро зери хатар монд. Бояд ёдовар шуд, ки соли 2019 дар натиҷаи баландшавии сатҳи дарёи Панҷ дар Ҷамоати деҳоти Птуп қариб 5 га соҳил шуста шуда, аз ин ҳолат айни замон бо масоҳати зиёда аз 200 га заминҳои кишоварзӣ, наздиҳавлигӣ ва 47 га ҷангалзор зери хатари шуставӣ қарор доранд.
Моҳи марти соли 2020 раиси Вилояти Мухтори Кӯҳистони Бадахшон, муҳтарам Файзов Ёдгор Доёрович зимни сафари корӣ ба ноҳияи Ишкошим аз ин мавзеъ дидан намуда, ҷиҳати саривақт то мавсими обхезӣ чораандешӣ намудан ба маъсулин дастур ва супориш дода буданд. Инчунин бо дастгирии раиси Вилояти Мухтори Кӯҳистони Бадахшон, муҳтарам Файзов Ёдгор Доёрович ҷиҳати саривақт анҷом додани корҳои соҳилмустаҳкамнамоӣ дар деҳаи Туғгози Ҷамоати деҳоти Птупи ноҳияи Ишкошим ба ҳисоби 2 тонна маводи сӯзишворӣ дастрас карда шуд, ки айни замон дар ин мавзеъ корҳои соҳилмустаҳкамнамоӣ босуръат идома дорад.