Маросими гусели наваскарон дар ноҳияи Ишкошим
Ҷавонони ноҳияи Ишкошим дар қатори дигар ҷавонони кишвар ҳамчун зодагони даврони соҳибистиқлолӣ дар ободонию пешрафт ва муаррифии ноҳия саҳми босазо доранд. Яке аз фаъолияти ҷавонони ноҳияи Ишкошим ин иштироки фаъолона дар маъракаҳои муҳими сиёсӣ ва сафарбар гардидан ба хизмати ҳарбӣ мебошад.
Қобили қайд аст, ки санаи якуми апрели соли равон тибқи даъват ба хизмати ҳарбӣ ҷавонони ноҳия, ки синнашон ба хизмат расидааст дар фазои идона ва савту суруд ба хизмати Модар – Ватан гусел гардидаанд, киноҳияи Ишкошим нақшаи даъвати баҳориро 100 фоиз васаривақт ба иҷро расонид.
Дар рӯзи гусели даъватшудагон ҷамъодади тантанавӣ доир гардид, ки раиси ноҳияи Ишкошим, муҳтарам Мирзозода Мусо Одинамуҳаммад ҳамаи даъватшудагонро сидқан табрик намуда, пеш аз ҳама барои якояи онҳо сиҳатмандӣ ва дар ифои вазифаи пурмаъсулашон бурдбориҳоро таманно намуданд.
Инчунин дар ин ҷамъомад Комисари Комиссариати ҳарбии ноҳияи Ишкошим Азизмамадов Шафомамад, раиси Шурои собиқадорони меҳнат Паҳлавонов Иқбол, раиси Ҷамоати деҳоти Птуп Қурбонмамадов Мамадназар ва халифаи маркази ноҳия Маносибов Ёқуб суханронӣ намуда ба даъватшудагон беҳтарин таманниётҳоро баён намуданд. Лоҷуваров Наҷихон Аскархонович даъватшуда аз Ҷамоати деҳоти Зонг ба сухан баромада қайд намудан, ки хизмати Модар – Ватан қарзи ҳаряки мо ҷавонон буда, ҷавонони ноҳияро даъват намуданд, ки ин қарзи имониву ҷонии худро дар назди халқу Ватан бояд адо намоем.
Аз ҷониби аҳли ҳунари фарҳанги ноҳия барои даъватшудагон барномаи пурмуҳтавои консертӣ пешкаш гардид.
