Санаи 8 уми август дар маҷлисгоҳи ноҳияи Ишкошим машварати ҷамъбасти натиҷаҳои рушди иҷтимоию иқтисодии ноҳияи Ишкошим дар семоҳаи якуми соли 2023 баргузор гардид, ки ба кори машварат муовинони раиси ноҳия, роҳбари дастгоҳ, мудирони шуъбаҳо, бахшҳои дастгоҳи раиси ноҳия, роҳбарони воҳидҳои сохторӣ, роҳбарони идораю муассисаҳо, ташкилотҳо, мақомотҳои ҳифзи ҳуқуқ, сохторҳои низомӣ ва раисони ҷамоатҳои деҳоти ноҳия даъват шуданд.
Лозим ба зикр аст, ки намояндаи Мақомоти иҷроияи ҳокимияти давлатии Вилояти Мухтори Кӯҳистони Бадахшон Шакаршоев Гулзорхон Имомназарович-сардори Раёсати кишоварзии Вилояти Мухтори Кӯҳистони Бадахшон дар машварати ҷамъбасти натиҷаҳои рушди иҷтимоию иқтисодии ноҳия иштирок намуданд.
Ба машварати болозикр як масъала дар бораи ҷамъбасти натиҷаҳои рушди иҷтимоию иқтисодии ноҳияи Ишкошим дар семоҳаи якуми соли 2023 ва вазифаҳо барои нимсолаи якуми соли 2023 мавриди муҳокима ва баррасӣ қарор дода шуд.
Оид ба “Ҷамъбасти натиҷаҳои рушди иҷтимоию иқтисодии ноҳияи Ишкошим дар семоҳаи якуми соли 2023 ва вазифаҳо барои нимсолаи якуми соли 2023 ва вазифаҳо барои нимсолаи якуми соли 2023” мудири бахши иқтисод ва савдои Мақомоти иҷроияи ҳокимияти давлатии ноҳияи Ишкошим Атобеков Нуралӣ суханронӣ намуда, дар баромади худ қайд доштанд, ки Мақомоти иҷроияи ҳокимияти давлатии ноҳияи Ишкошим дар семоҳаи якуми соли 2023 бо такя ба иҷрои дастур ва супоришҳои Ҳукумати Ҷумҳурии Тоҷикистон, дастгирӣ ва роҳнамоҳиҳои бевоситаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон фаъолият намуда,дар ин давра тавонист нишондиҳандаҳои иҷтимоию иқтисодии ноҳияро дар сатҳи муътадил нигоҳ дошта, сохторҳои гуногуни хоҷагии халқи ноҳия аз ҳамаи имкониятҳо истифодабурда, давраи ҳисоботиро бо натиҷаҳои мусбӣ ҷамъбаст намуданд.
Намояндаи Мақомоти иҷроияи ҳокимияти давлатии Вилояти Мухтори Кӯҳистони Бадахшон Шакаршоев Гулзорхон Имомназарович-сардори Раёсати кишоварзии Вилояти Мухтори Кӯҳистони Бадахшон дар суханрони худ вобаста ба соҳаи кишоварзӣ ва рафти кишту кори баҳорӣ, самаранок истифода намудани ҳар як ваҷаби замин, инчунин баланд бардоштани ҳосилнокии зироатҳо ва ҳолатҳои мелиоративии заминҳои кишт дар ҳудуди ноҳия қайд намуданд.
Дар ҷамъбасти машварати “Ҷамъбасти натиҷаҳои рушди иҷтимоию иқтисодии ноҳияи Ишкошим дар семоҳаи якуми соли 2023 ва вазифаҳо барои нимсолаи якуми соли 2023 ва вазифаҳо барои нимсолаи якуми соли 2023” раиси ноҳияи Ишкошим Мирзозода Мусо Одинамуҳаммад баромад намуда, барои иҷрои вазифаҳо ва беҳтару босифат анҷом додани корҳо ба масъулини соҳаҳои иҷтимоиву иқтисодӣ дастур ва супоришҳои муайян доданд..