Санаи 25- марти соли 2023 узви Маҷлиси Миллии Маҷлиси Олии Ҷумҳурии Тоҷикистон, раиси ноҳияи Ишкошим Мирзозода Мусо Одинамуҳаммад бо роҳбарону фаъолон ва сокинони Ҷамоатҳои деҳоти Птуп, Вранг ва Зонг вобаста ба масъалаҳои дастовардҳои даврони соҳибистиқлолӣ, таҳкими давлатдорӣ, таъмини волоияти қонун, даъвати ҷавононписарон ба сафи Қувваҳои Мусаллаҳи Ҷумҳурии Тоҷикистон, рушди бомароми соҳаҳои хоҷагии халқ, корҳои ободонию созандагӣ, пешгирӣ аз ҳар гуна зуҳуроти номатлуб, тарбияи ватандӯстии насли наврас, вазъи сиёсӣ-геополитикии ҷаҳони муосир, хатарҳои ташкилотҳои байналмилалии террористӣ-экстремистӣ, хурофотпарастӣ, тақлидкорӣ ба фарҳанги ба мо бегона, муборизаҳои иттилоотӣ бар зидди гуруҳҳои иғвоангез мулоқот доир намуд.
Раиси ноҳияи Ишкошим Мирзозода Мусо Одинамуҳаммад зимни мулоқот қайд намуд, ки мо имрӯз дар бораи масъалаҳое изҳори назар намуда истодаем, ки онҳо ба пойдории давлати ҷавони мо, нигоҳдории арзишҳои олӣ ва якпорчагии Тоҷикистони азиз сахт алоқаманданд.
Моро зарур аст, ки дар шароити ниҳоят тезутунди сиёсӣ ва геополотикии ҷаҳони имрӯза аз ҳарвақта дида бештар ҳушёр бошем ва нагузорем, ки ҳаёти тинҷу осоиштаи мардумамон халалдор гардад. Барои ин мо бояд муттаҳид, сарҷамъ, якдилу якмаром бошем ва барои расидан ба ҳадафҳои Олии дар пеш гузошташудаи Ҳукумати Ҷумҳурии Тоҷикистон мубориза барем.
Дар ин вақту соат ман ёдовар аз суханони пурҳикмати Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки дар Паёми навбатиашон санаи 23 декабри соли 2022 ироа намуданд ёдовар мешавам:
Мо бояд ватандӯсту ватанпараст бошем ва ҳаргиз фаромӯш насозем, ки эҳсоси гарми ватандӯстӣ ва ҳисси баланди миллӣ омили асоситарин ва роҳи муҳимтарини рушди давлат ва ҷомеа мебошад. Яъне ҳар яки мо бояд минбаъд низ мафҳумҳои «ватандӯстӣ» ва «рушд»-ро шиори кору фаъолияти ҳаррӯзаи худ қарор диҳем.
Аз ин хотир набояд зиракии сиёсиро аз даст диҳем.Балки аз ҳарвақта боз ҳам бештар ҳушёру бедордил бошем то нагзорем афкори бегонагон ва душманони миллату давлат дар байни мо мавқеъ пайдо намоянд.
Итминони комил дорам, ки мардуми шарафманди ноҳия, аз ҷумла пирони кордида, зиёиён, ҷавонони созанда, занону модарони бошараф ва аҳли дин дар пуштибонӣ аз сиёсати хирадмандонаи Пешвои миллат муҳтарам Эмомалӣ Раҳмон, таъмини волоияти қонун, пешгирии ҳар гуна зуҳуротҳои номатлуби ҷомеа, тарбияи дурусти насли наврас, рушди бомароми соҳаҳои ҳаёти иҷтимоию иқтисодии ноҳия камари ҳиммат баста, саҳми босазои хешро дар ин самт мегузоранд.
Баъди суханронии раиси ноҳия роҳбарону фаъолон, собиқадорону ҷавонон баромад намуда, фикру андешаҳои хешро вобаста ба масъалаҳои зигргардида баён намуданд ва иброз доштанд, ки ҳамеша аз сиёсати пешгирифтаи Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тарафдорӣ намуда, онро сармашқи кору фаъолияти ҳаррӯзаи хеш қарор медиҳанд.