23.02.2026
Бахшида ба таҷлили 33 солагии таъсисёбии Рӯзи Артиши миллӣ дар қисми ҳарбии 01123-и Вазорати мудофиаи Ҷумҳурии Тоҷикистон ва қисми ҳарбии 0411- Қӯшунҳои сарҳадии Кумитаи давлатии амнияти миллии Ҷумҳурии Тоҷикистон дар ноҳияи Ишкошим ҷамъомади тантанавӣ бо хондани Суруди миллӣ оғоз гардид.
Дар чорабинии бошукӯҳи идона Раиси ноҳияи Ишкошим,ҳайати Мақомоти иҷроияи ҳокимияти давлатии ноҳияи Ишкошим,роҳбарони идораву муассисаҳо ва сохторҳои ҳифзи ҳуқуқи ноҳия иштирок намуданд
Раиси ноҳияи Ишкошим Иматшозода Анвар Иматшо суханронӣ намуда ҳамаи ҳайати шахсиро табрику таҳният намуда,аз дастгириҳову ғамхориҳои падаронаи Пешвои миллат Президенти Ҷумҳурии Тоҷикистон дар мукамалгардонии соҳаҳои ҳарбӣ дар ҳудуди ноҳия ва фароҳам овардани шароитҳои мусоид ба афсарону сарбозон ёдовар шуданд
Ҳамзамон командири қисми ҳарбии 01123-и Вазорати мудофиа Сафаров Сайёд Абдураҳмонович суханронӣ намуданд.
Якқатор афсарону сарбозон бо ифтихорномаи раиси ноҳия сарфароз карда шуданд.
Лозим ба зикр аст,ки дар доираи таҷлили Рӯзи Артиш тибқи нақшаи чорабиниҳои Мақомоти иҷроияи ҳокимияти давлатии ноҳияи Ишкошим,бахши кор бо ҷавон ва варзишӣ бозиҳои варзишӣ теннис,шоҳмот ва дигар бозиҳо доир карда шуданд,ғолибони ин бозиҳо бо Ифтихорномаву тӯҳфаҳо ва мукофотҳои маблағи қадрдонӣ гардиданд
Лозим ба зикр аст,ки ба хотири ёдбуди устоди шоҳмот дар ноҳия Абибов Зӯрбек чорабинии варзишӣ бозии шоҳмот доир карда шуд,ки дар баргузории ин чорабинӣ афсарону сарбозон ширкат дошта,бо мукофотҳои хотиравӣ ва маблағӣ қадрдонӣ шуданд.Ҳамзамон дар қисмҳои ҳарбӣ,дидбонгоҳҳову постгоҳҳои сарҳадӣ аз тарафи мақомоти иҷроияи ҳокимияти давлатии ноҳия,идораву муассисаҳо дастурхони идона ороста шуд.Барномаҳои фарҳангӣ идомабахшӣ чорабиниҳо буданд.