Дар партави ҳидояту дастурҳои Қаҳрамони миллати тоҷик, Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Ҷаноби Олӣ муҳтарам Эмомалӣ Раҳмон дар толори калони Консерваторияи миллии Тоҷикистон ба номи устод Талабхӯҷа Сатторов узви Маҷлиси Миллии Маҷлиси Олии Ҷумҳурии Тоҷикистон, раиси ноҳияи Ишкошим Иматшозода Анвар Иматшо бо зодагони ноҳияи Ишкошим, ки дар шаҳри Душанбе зиндагӣ ва кору фаъолият доранд вохӯрӣ доир намуданд.
Дар вохӯрии мазкур Сарпарасти ноҳияи Ишкошим, Директори маркази миллии Қонунгузории назди Президенти Ҷумҳурии Тоҷикистон муҳтарам Саидзода Изатулло Ҳабибулло иштирок намуда, вобаста ба рушду пешрафти ноҳия дар замони соҳибистиқлолии мамлакат, дастгириҳои пайвастаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар пешрафти тамоми соҳаҳои ҳаёти хоҷагии халқи ноҳия ибрози ақида намуданд.
Раиси ноҳияи Ишкошим муҳтарам Иматшозода Анвар Иматшо зимни суханрониашон қайд намуданд, ки ноҳияи Ишкошим дар замони соҳибистиқлолии Ҷумҳурии Тоҷикистон бо дастгирии ҳамешагии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Ҷаноби Олӣ муҳтарам Эмомалӣ Раҳмон бо маром рушд намуда, сатҳу сифати зиндагии сокинон рӯз аз рӯз беҳтар гардида, инфрасохтори соҳаҳои иҷтимоиву иқтисодии ноҳия сол то сол мукаммал гардида истодааст.
Инчунин дар баромади худ қайд намуданд, ки марҳилаи босуръати ҷаҳонишавӣ ва бархӯрди тамаддунҳо моро водор менамояд,ки арзишҳои таърихиву фарҳанги пурғановати миллатамонро ҳифз намоем ва онро ба ҷаҳониён муаррифӣ намоем.
Раиси ноҳия иброз доштанд, ки насли наврас ва ҷавононро дар рӯҳияи худогоҳиву худшиносӣ ва ифтихори бузург доштан аз миллату Ватани аҷдодӣ тарбия намоем. Инчунин нақшаҳои ояндаи рушди ноҳияро баррасӣ намуда, аз зодагони ноҳия даъват ба амал оварда шуд, ки амалӣ гардидани нақшаҳо дар муттаҳидӣ ва саҳми бевосита гузоштани ҳар яки мову Шумост.
Иштирокдорони вохӯрӣ аз рушд ва пешрафти ноҳия изҳори қаноатмандӣ намуда, қайд доштанд, ки таҳти ҳидоятҳои хирадмандонаи Қаҳрамони миллати тоҷик, Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Ҷаноби Олӣ муҳтарам Эмомалӣ Раҳмон дар раванди корҳои ободонӣ ва созандагӣ саҳмгузорӣ хоҳанд кард.
Ҳамзамон иштирокдорон барои баргузории чунин вохӯрии судманд сипосу миннатдорӣ баён намуда, иброз доштанд, ки ҳар яки мо имрӯзҳо шукронаи сулҳу субот ва оромии Ватан намуда, аз рӯзҳои аввали соҳибистиқлолии кишвари маҳбубамон Тоҷикистони соҳибистиқлол дар паҳлӯи сиёсати хирадмандонаи Қаҳрамони миллати тоҷик, Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Ҷаноби Олӣ муҳтарам Эмомалӣ Раҳмон будем, ҳастем ва мемонем.
Иброз доштанд, ки мо аз хӯрд то бузург тамоми дастуру супоришҳои Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмонро сармашқи кору фаъолияти ҳаррӯзаи хеш қарор дода, баҳри ободию созандагӣ ва рушди тамоми соҳаҳои хоҷагии халқи мамлакат камари ҳиммат мебандем.
