Санаи 21-марти соли 2023 тантанаҳои Наврӯзӣ дар қисми ҳарбии 0411-и ҚС КДАМ Ҷумҳурии Тоҷикистон ва баталиони тирандозии 01123-и Вазорати мудофиаи Ҷумҳурии Тоҷикистон баргузор гардид.
Дар чорабинии мазкур узви Маҷлиси Миллии Маҷлиси Олии Ҷумҳурии Тоҷикистон, раиси ноҳияи Ишкошим Мирзозода Мусо Одинамуҳаммад иштирок намуда, тамоми ҳайати шахсии қисмҳои ҳарбиро ба ифтихори ҷашни байналмилалии Наврӯз табрику муборакбод намуд ва иброз дошт, ки бо шарофати Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар даврони соҳибистиқлолии кишвари маҳбубамон суннату аънанаҳои бостонӣ, ҳунарҳои мардумӣ ва ҷашнҳои миллии халқи кӯҳанбунёдамон аз сари нав эҳё гардида, айни замон дар ҳаёти мардуми мо мақоми арзишманд пайдо намудаанд.
Наврӯз ҳамчун яке аз ҷашнҳои бостонии миллати тоҷик аз ҷумлаи оинҳои эҳёшудаи мо буда, дар ҳамаи манотиқи кишвар ва ҷаҳон таҷлил карда мешавад.
Дар майдончаи сарбозон аз тарафи алоҳида ротаҳо ҳунарҳои мардумӣ, таомҳои миллӣ ва суннатҳои Наврӯзи ба марази тамошобинон ва ҳайати ҳакамон пешниҳод гардид.
Чун анъана аз тарафи Мақомоти иҷроияи ҳокимияти давлатии ноҳияи Ишкошим ва шахсони саховатпеша дар арафаи таҷлили ҷашни Наврӯз ба сарбозон дастархони идона ороста шуд.
Барномаи фарҳангии санъаткорони деҳаи Намадгути Ҷамоати деҳоти ба номи Рустамбек Юсуфбеков идомабахши тантанаи Наврӯзӣ гардид.