Санаи 28 феврали соли 2023 дар маҷлисгоҳи Мақомоти иҷроияи ҳокимияти давлатии ноҳияи Ишкошим машварати назоратии назди раиси ноҳияи Ишкошим баргузор гардид.Ба машварати назоратӣ муовинони раиси ноҳия, мудирони шуъбаҳо, бахшҳои дастгоҳи раиси ноҳия, роҳбарони воҳидҳои сохторӣ, роҳбарони идораву муассисаҳо, мақомотҳои ҳифзи ҳуқуқ ва иҷрокунандаи вазифаи раиси Ҷамоати деҳоти ба номи Рустамбек Юсуфбеков даъват гардиданд.
Дар машварати назоратии назди раиси ноҳияи Ишкошим масъалаҳои зерин баррасӣ ва муҳокима гардиданд.
1. Оид ба рафти иҷрои қарори раиси ноҳияи Ишкошим аз 28 декабри соли 2022, № 587 “Дар бораи омодагӣ ба даъвати баҳории соли 2023-и шаҳрвандони солҳои таваллуди 1996-2005 ба хизмати ҳарбӣ”
2. Рафти иҷрои қарори раиси ноҳия аз 5 марти соли 2022, № 100 “Дар бораи нақшаи чорабиниҳо бахшида ба ҷашни 35 солагии Истиқлолияти давлатии Ҷумҳурии Тоҷикистон”
3.Оид ба рафти иҷрои Нақшаи чорабиниҳои Мақомоти иҷроияи ҳокимияти давлатии ноҳияи Ишкошим бахшида ба таҷлили Рӯзи модарон ва иди байналмилалии Наврӯз
Оид ба масъалаи якуми рӯзномаи машварат муовини якуми раиси ноҳия Некқадамзода Илол баромад намуда, қайд намуданд, ки айни замон омодагӣ ба даъвати баҳории соли 2023-и шаҳрвандони солҳои таваллуди 1996-2005 идома дошта, ҷиҳати иҷрои босифат ва саривақтии нақшаи даъвати ҷавонон ба хизмати ҳарбӣ чораҳои зарурӣ андешида шуда истодаанд.
Матробов Вадим Ғуломалиевич мудири бахши меъморӣ ва шаҳрсозии Мақомоти иҷроияи ҳокимияти давлатии ноҳияи Ишкошим вобаста ба рафти иҷрои қарори раиси ноҳия аз 5 марти соли 2022, № 100 “Дар бораи нақшаи чорабиниҳо бахшида ба ҷашни 35 солагии Истиқлолияти давлатии Ҷумҳурии Тоҷикистон” гузориш доданд.
Муовини раиси ноҳияи Ишкошим Холдорзода Ашам оид ба рафти омодагиҳо ҷиҳати таҷлили Рӯзи модарон баромад намуда, афзуданд, ки корҳо дар самти зарурӣ ва мувофиқи мақсад роҳандозӣ шуда, тибқи нақша бахшида ба ид бозии волейбол байни бонувон доир гардида истодааст.
Мудири шуъбаи рушди иҷтимоӣ ва робита бо ҷомеаи дастгоҳи раиси ноҳияи Ишкошим Савлатов Ғуломмуҳаммад оид ба рафти иҷрои Нақшаи чорабиниҳои Мақомоти иҷроияи ҳокимияти давлатии ноҳияи Ишкошим бахшида ба таҷлили ҷашни байналмилалии Наврӯз гузориш доданд.
Дар ҷамъбасти кори машварат раиси ноҳияи Ишкошим Мирзозода Мусо Одинамуҳаммад суханронӣ намуда, баҳри иҷрои масъалаҳои баррасӣ гардида ба масъулин дастур ва супоришҳои мушаххас доданд.
