Ҳамдиёрони азиз!
Якояки Шуморо ба ифтихори ҷашни Сада бо самимияти бепоён табрик гуфта, барои Шумо пеш аз ҳама тансиҳатӣ ва хонаи ободро хоҳонам.
Боиси ифтихору сарбаландии ҳарякимост, ки ба шарофати соҳибистиқлолии кишвари азизамон анъанаву суннатҳо, ҷашнҳо ва оинҳои мардуми кӯҳанбунёди тоҷик эҳё гардида, эҳтиром ва арҷгузорӣ ба онҳо сол аз сол бештар гардида истодааст.
Дар замони истиқлолияти давлатии Ҷумҳурии Тоҷикистон Сада баробари дигар маросиму суннатҳои миллии мо, азҷумла Наврӯз, Меҳргон умри дубора пайдокарда, таҷлили ҳарсолаи он ба ҳукми анъана даромад.
Дар даврони соҳибистиқлолӣ оину ҷашнҳои миллӣва арзишҳои фарҳанге, ки дар давоми асрҳо ягонагии маънавии мардумро ҳифзмекарданд, азқабили Наврӯз, Меҳргон, Сада, Фалак, атласу адрас, чакан ва монанди инҳоэҳё гардиданд. Бо талошҳои пайвасатаи Ҳукумати мамлакат қисми аз онҳо ба феҳристи мероси ғайримоддии Юнеско ворид гариданд.
Таҷлили ҷашни Сада ба арҷгузорииву гиромидошти расмуоинҳои миллӣ, таҳкиму густариши бозҳам бештар ҳисси миллӣ, ҳуввияту худшиносии мардуми кишварамон ва ба ин васила вусъат пайдо кардани раванди ободониву пешрафти Тоҷикистонимаҳбуб мусоидати бештар намуда, бо ибтикори Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Ҷашни Сада дар сатҳи баланду зарурӣ таҷлил мегарадад.
Сада яке аз ҷашнҳои қадимаи мавсимии халқиятҳоиориёни нажод ба шумор меравад, ки рӯзи 10-уми моҳи Баҳмани солшумории шамсӣ таҷлил мегардад, ки мутобиқи солшумории мелодӣ ба поёни шаби 30-ум ва оғози рӯзи 31-умиянвар рост меояд. Метавон гуфт, ки Сада пас аз 40-шабонарӯзи омадани Шаби Ялдо ё худ пас аз гузаштани чиллаи калони зимистон фаро расида, чун гиромидошти гармӣ, нур ва бузургдошти Меҳр истиқбол гирифта мешуд. Ин ҷашнро барои он Сада меноманд, ки аслан аз шумораи садгирифта шуда, аз 10-уми моҳи Баҳман то омадани Наврӯз 50 шабу 50-рӯзро фаромегирад.
Ҳамин тариқ, ҷашни Сада яке аз ҷашнҳои мавсимию маросимии мардуми ориёитабор, аз ҷумла ниёгони тоҷикон буда, он ҳамчун рамзи бузургдошти Митра (Меҳр), омодагӣ ба кишту кори баҳорӣ вамуждаи Наврӯз пазироӣ мегардид.
Дар фарҷоми бори дигар ҷашни Садаро ба ҳамаи Шумо ҳамдиёрони азиз таҳният гуфта, хоҳони онам, ки ҳамеша сарбаланду хонаобод бошед.