Санаи 26 уми январи соли 2023 дар ноҳияи Ишкошим ҷашни Сада дар сатҳи баланду зарурӣ таҷлил гардид.Бояд қайд намуд, ки нахуст дар ҳавлии хонаи фарҳанги ноҳия намоиши таомҳои миллӣ, намоиши дастовардҳои соҳаи кишоварзӣ ва рамзи таҷлили ҷашни Сада гулхан афрӯхта шуд.Дар назди гулхани идона савту наво ва сози мусиқӣ танинандоз буда, ҳайати расмии Мақомоти иҷроияи ҳокимияти давлатии ноҳияи Ишкошим ва меҳмонон аз ин намоишгоҳ дидан намуданд.
Маҷлиси тантанавӣ дар хонаи фарҳанги ноҳия бо садо додани Суруди миллӣ ҳусни оғоз гирифта, дар рафти чорабинӣ муовини якуми раиси ноҳияи Ишкошим Некқадамзода Илол Гулбек кулли сокинони ноҳияи Ишкошимро табрику таҳният намуда, аз таърихи ҷашн ва дубора эҳё гардидани он дар суханрониашон қайд намуданд.
Ҳамчунин хонандагони муассисаи таҳсилоти миёнаи умумии № 21-и маркази ноҳия дар васфи ҷашни Сада порчаҳои шеъриро қироат намуданд.
Барномаи фарҳангии аҳли фарҳанги ноҳия идомабахшӣ чорабинӣ буд.