Дар толори Мақомоти иҷроияи ҳокимияти давлатии ноҳияи Ишкошим машварати васеи назди раиси ноҳия баргузор гардид.Ба машварати васеи назди раиси ноҳия муовинони раиси ноҳия, роҳбари дастгоҳ, мудирони шуъбаҳо, бахшҳои дастгоҳи раиси ноҳия, роҳбарони воҳидҳои сохторӣ, роҳбарони идораю муассисаҳо, ташкилотҳо, мақомотҳои ҳифзи ҳуқуқ, сохторҳои низомӣ, раисони ҷамоатҳои деҳоти ноҳия даъват гардиданд. Дар кори машварат масъалаҳои зерин мавриди муҳокима ва барасӣ қарор дода шуданд:
1.Дар бораи таҳлили ҷамъбасти натиҷаҳои кишту кори тирамоҳӣ дар ҳамаи шаклҳои хоҷагидории ноҳия;
2.Оид ба таъин ва пардохти нафақаҳои суғуртавӣ ва давлатӣ дар асоси Қонуни Ҷумҳурии Тоҷикистон “Дар бораи нафақаҳои суғуртавӣ ва давлатӣ” ва сари вақт пардохт намудани нафақа, кӯмакпулиҳои ба он баробар дар асоси талабномаҳои пешбинишуда»;
3.Гузориши роҳбари Комплекси минтақавии энергетикии ноҳия оид ба омодагӣ ба давраи тирамоҳу зимистони солҳои 2022-2023;
4.Дар бораи гузориш оид ба сафари гурӯҳи кории Сарраёсати Агентии омори назди Президенти Ҷумҳурии Тоҷикистон дар ВМКБ оиди мониторинги гузаронидани китобҳои электронии баҳисобгирии хоҷагӣ дар ҷамоатҳои деҳоти ноҳия;
5.Рафти иҷрои накшаи обуна ба рӯзномаю маҷаллаҳо барои нимсолаи якуми соли 2023;
6. Масълаҳои ҷорӣ.
Вобаста ба масъалаи якуми рӯзномаи машварат мудирибахшикишоварзии мақомоти иҷроияи ҳокимияти давлатии ноҳия Наврӯзова Азиза баромад намуда оид ба ҷамъбасти натиҷаҳои кишту кори тирамоҳӣ дар ҳамаи шаклҳои хоҷагидории ноҳия гузориш доданд.
Аз рӯйи масъалаи дуюми рӯзномаи машварат мудири шуъбаи Агентии суғуртаи иҷтимоӣ ва нафақаи ноҳия Куйбеков Собир оидба таъин ва пардохти нафақаҳои суғуртавӣ ва давлатӣ дар асоси Қонуни Ҷумҳурии Тоҷикистон “Дар бораи нафақаҳои суғуртавӣ ва давлатӣ” ва сари вақт пардохт намудани нафақа, кӯмакпулиҳои ба он баробар дар асоси талабномаҳои пешбинишуда” баромад намуданд.
Дар асоси масъалаи сеюми машварат Хисравбеков Шерафкан роҳбари Комплекси минтақавии энергетикии ноҳия оид ба омодагӣ ба давраи тирамоҳу зимистони солҳои 2022-2023 гузориш дода афзуданд, ки омодагии муассиса ба давраи тирамоҳу зимистони солҳои 2022-2023 дар сатҳи зарурӣ қарор дорад. Ҳамчунин оид ба масъалаи чоруми рӯзномаи машварат Баҳриев Санавбароид ба сафари гурӯҳи кории Сарраёсати Агентии омори назди Президенти Ҷумҳурии Тоҷикистон дар ВМКБ оиди мониторинги гузаронидани китобҳои электронии баҳисобгирии хоҷагӣ дар ҷамоатҳои деҳоти ноҳия гузориш дода, оид ба масъалаи панҷуми рӯзнома муовини раиси ноҳия Холдорзода Ашам баромад намуданд.
Раиси ноҳияи Ишкошим дар ҷамъбасти кори машварат ба якқатор роҳбарони идораву муассисаҳо ва раисони ҷамоатҳои деҳот ҷиҳати бартараф намудани камбудиҳои ҷойдошта дастур ва супоришҳои мушаххас дода, таъкид намуданд, ки барои минбаъд беҳтару хубтар ба роҳ мондани корҳо тадбирҳои зарурӣ ва амлиро роҳандозӣ намоянд.