Санаи 18 уми ноябри соли 2022 дар деҳаи Гармчашмаи Ҷамоати деҳоти ба номи Аскар Замиров бунгоҳи тиббии ҳозиразамон бо таҷҳизоту лавозимоти зарурии тиббӣ бахшида ба таҷлили 30-юмин солгарди ҷашни муқаддаси тақдирсози миллат Иҷлосияи 16-уми Шӯрои Олии Ҷумҳурии Тоҷикистон, аз ҷониби раиси Вилояти Мухтори Кӯҳистони Бадахшон муҳтарам Мирзонабот Алишер Худобердӣ мавриди истифода қарор дода шуд.Ҳамзамон бояд ёдовар шуд, ки маҳз дастгирии ҳамешагии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аст, ки дар ҳудуди ноҳияи Ишкошим ҳарсол чунин муассисаҳо сохта шуда, мавриди истифода қарор дода мешаванд.
Раванди сиёсати дарҳои кушоди Ҳукумати Ҷумҳурии Тоҷикистон омили рушди босуботи ҷомеа гардида, имрӯзҳо Ҷумҳурии Тоҷикистон ҳамкориҳои гуногунҷанбаро бо дигар давлатҳову ташкилотҳои бонуфзи байналмилалӣ ба роҳ мондааст.Яке аз натиҷаҳои ҳамкориҳои муфиди кишварамон бо шарикони рушд ин сохтмони ҳамин бунгоҳи тиббии ҳозиразамон маҳсуб меёбад.Бунгоҳи тибии мазкур бо маблағгузории Барномаи рушди СММ дар ҳаҷми 754 ҳазору 769 сомонӣ сохта шуд.
Бояд қайд намуд, ки яке мушкилотҳои сокинони деҳа ин надоштани бунгоҳи тиббӣ буд ва хушбахтона орзую ормонҳои чандинсолаи сокинони деҳаи Гармчашма имрӯз амалӣ гашт.Деҳаи Гармчашма яке аз маконҳои сайёҳӣ буда, ҳамасола меҳмонони дохиливу хориҷӣ ба инҷо ташриф меоранд минбаъд дар ҳолатҳои зарурӣ бе ягон мушкилот аз хизматрасонии ин бунгоҳи тиббӣ метавонанд истифода намоянд.
Дар рафти суҳбат бо сокинони деҳа раиси Вилояти Мухтори Кӯҳистони Бадахшон муҳтарам Мирзонабот Алишер Худобердӣ ҳамаи сокинони деҳаи Гармчашмаро боридигар ба муносибати 30-юмин солгарди ҷашни муқаддаси тақдирсози миллат Иҷлосияи 16-уми Шӯрои Олии Ҷумҳурии Тоҷикистон ва Рӯзи Президенти Ҷумҳурии Тоҷикистон табрику шодбош намуда дар рафти суханрониашон аз бунёди чунин иншоотҳои аҳамияти муҳимдошта дарҷ намуда, афзуданд, ки ин ҳама рушди ҷомеа ва вусъати корҳои ободониву созандагӣ маҳз аз файзу баракати Истиқлолияти давлатӣ ва таваҷҷуҳи ҳамешагии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба соҳаҳои иҷтимоиву иқтисодии кишварамон мебошад.Ҳамчунин раиси ноҳияи Ишкошим муҳтарам Мирзозода Мусо Одинамуҳаммад суханронӣ намуда, нахуст ифтитоҳи ин иншооти ҷашниро ба мардуми равшанзамири деҳаи Гармчашма муборакбод намуданд.
Собиқадори соҳаи маориф, сокини деҳаи Гармчашма Амирхонов Иқболхон баромад намуда, миннатдории самимии сокинони деҳаро ба Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, Ҳукумати Ҷумҳурии Тоҷикистон,Мақомоти иҷроияи ҳокимияти давлатии Вилояти Мухтори Кӯҳистони Бадахшон ва Мақомоти иҷроияи ҳокимияти давлатии ноҳияи Ишкошим баён доштанд.Ҳамчунин афзуданд, ки соли гузашта дар деҳа хати оби нӯшокӣ мавриди истифода қарор дода шуд ва имсол бошад чунин як бинои наву замонавӣ ва шароити мусоид барои кормандони тибби деҳа ва дастарсии минбаъда ба хизматрасонии тиббӣ мебошад.
Сохтмони бунгоҳи тиббӣ моҳи августи соли 2021 оғоз гардида,бинои мазкур аз 4 адад утоқ иборат мебошад.