Омўзгорони арҷманд!
Ҳамасола дар кишвари соҳибистиқлоламон Тоҷикистони азиз якшанбеи аввали моҳи октябр Рўзи омўзгорон бо таври мутантану шаҳомати хоса ҷашн гирифта мешавад.Имсол таҷлили иди касбии омўзгорон ба даврае баробар омад, ки дар кишвари соҳибистиқлоли мо омодагиҳои ҳамаҷониба ба истиқболи ҷашни 30-солагии Иҷлосияи ХVI Шўрои Олии Ҷумҳурии Тоҷикистон бомаром идома дорад.
Бо истифода аз фурсат, ҳамаи омӯзгорони ноҳияро сидқан табрику муборакбод гуфта, пеш аз ҳама бароятон умри бардавом,сиҳатмандиии ҳамешагӣ, офиятии рӯзгор дар иҷрои рисолати касбӣ барору муваффақиятҳои нав ба навро орзу менамоям.
Касби омӯзгорӣ ин худ касби пурифтихор буда, пешрафти ҷомеа, амну осудагӣ,беҳбудии сатҳу сифати зиндагии мардум, рушди босуботи соҳаҳои иҷтимоиву иқтисодии давлат пайваста аз раванди таълиму тарбияи омӯзгорон вобаста аст.
Лозим ба зикр аст, ки Пешвои миллат,Президенти Ҷумҳурии Тоҷикистон мӯҳтарам Эмомалӣ Раҳмон ба рушд ва пешрафти соҳаи маориф таваҷҷӯҳ ва ғамхориҳои беандоза дода,сол то сол ин соҳа рушд ёфта барои омӯзгорон ва хонандагон шароитҳои мусоид фароҳам оварда шудааст.Навсозӣ ва пешрафти иқтисодиётро бе рушди соҳаи илму маориф ва дастгирии онҳо таъмин намудан ғайриимкон аст. Маориф ҳамчун соҳаи сарнавиштсози ҷомеа дар низоми сиёсати давлат яке аз самтҳои афзалиятнок эълон гардида, барои ислоҳоту рушди он аз рӯзҳои аввали соҳибистиқлолӣ пайваста таваҷҷуҳ ва ғамхории хоса зоҳир мегардад.
Ҳукумати мамлакат барои таълиму тарбияи насли бомаърифату соҳибҳунар ва ба анъанаҳои неки гузаштагонамон сазовору содиқ, инчунин ба меъёрҳои ҷаҳонӣ наздик гардонидани низоми таълим дар мамлакат ислоҳоти соҳаи маорифро вусъат дода, онро давра ба давра амалӣ намуда истодааст.
Ман аз заҳмату кӯшишҳои омӯзгорони ноҳия ифтихорманд буда, натиҷаҳои кори таълиму тарбияи онҳо назаррас мебошад.Зеро тайи чанд соли охир хонандагони муассисаҳои таҳсилоти дар олимпиадаҳои фаннӣ,озмунҳои ҷумҳуриявӣ иштирок намуда,бо дониши худ ноҳияро дар сатҳи вилоят ва ҷумҳурӣ муаррифӣ намуданд,ки ин самараи фаъолияти омӯзгорон мебошад.
Омӯзгор худ машъалест, ки қалби инсонҳоро бо нури маърифати худ равшан месозад. Ҳамешамуаллим одамонро ба роҳи рост ҳидоят намуда, ба онҳо сабақи хираду маърифат медиҳад, ҳамчунин кӯшиш менамояд, ки насли наврасро дар рӯҳияи инсондӯстӣ тарбия намояд. Аз ин рӯ, ҷомеа бояд ба парварандаи маърифат-омузгор таваҷҷӯҳи махсус зоҳир намояд.
Иди касбии кулли омӯзгорон ҳучаста бод! Ба Шумо омӯзгорони дар ниҳоят азизу гиромӣ бори дигар зиндагии орому осуда, саломатии бардавом, саодати рӯзгор ва дар ҷодаи илму таълим муваффакиятҳои беназирро таманно дорам.