Субҳи 9 сентябр дар ноҳияи Ишкошим оғози тантанҳои ҷашнӣ оғоз ёфта, сокинони ноҳия бо руҳу хотири болида ва фазои идона ҷиҳати дар сатҳи баланд таҷлил намудани ҷашни пурифтихори миллиамон 31 солагии Истиқлолияти давлати Ҷумҳурии Тоҷикистон ҷониби макони баргузории ҷашн равона гардиданд.
Ҳамзамон бояд ёдовар шуд, ки нахуст баргузории таҷлили ҷашн бо ҳамоиши идона сурат гирифт.
Дар тантанаҳои ҷашни муборакрӯзи 31 солагии Истиқлолияти давлатии Ҷумҳурии Тоҷикистон кулли ҳунармандон ва кишоварзон маҳсули дасти хешро ба марзи тамошо гузоштанд.
Лозим ба зикр аст, ки дар баргузории тантанҳои ҷашнӣ намояндаи Ҳукумати Ҷумҳурии Тоҷикистон муовини Маркази милллии қонунгузории назди Президенти Ҷумҳурии Тоҷикистон Фарҳод Мамадшоҳзода иштирок доштанд.Ҳайати расмии Мақомоти иҷроияи ҳокимияти давлатии ноҳияи Ишкошим ва меҳмонон аз намоиши дастовардҳои соҳаи аграриву саноатӣ ва ҳунарҳои мардумӣ дидан намуданд.
Дар рафти маҷлиси тантанавӣ раиси ноҳияи Ишкошим Мирзозода Мусо Одинамуҳаммад ва намояндаи Ҳукумати Ҷумҳурии Тоҷикистон муовини Маркази милллии қонунгузории назди Президенти Ҷумҳурии Тоҷикистон Фарҳод Мамадшоҳзода суханронӣ намуда ҳамаи мардуми равшанзамири ноҳияро ба ифтихори 31 умин солгарди Истиқлолияти давлати Ҷумҳурии Тоҷикистон табрику таҳният намуданд.
Ҳамчунин дар доираи таҷлили ҷашн якқаттор фаъолон бо Ифтихорномаи раиси ноҳия сарфароз гардонида шуданд.
Тибқи нақшаи чорабиниҳои Мақомоти иҷроияи ҳокимияти давлатии ноҳияи Ишкошим бахшида ба таҷлили 31 солагии Истиқлолияти давлати Ҷумҳурии Тоҷикистон барои дарёфти ҷоми “Истиқлол байни бонувон бозии варзишӣ аз намуди влейбол доир гардида буд, ки ғолибон дар ин рӯз бо Ифтихорнома ва мукофти маблағӣ аз ҷониби раиси ноҳия қадрдонӣ карда шуданд.Дар баргузории боззии варзишии болозикр дастаи волейболбозони деҳати Дашт пирӯз гардида соҳиби ҷоми “Истиқлол” гардиданд.
Аз ҷониби аҳли ҳунари ноҳия барномаи тетрикуноидашуда таҳти унвони “Поянда бод Истиқлоли тоҷик”пешниҳоди ҳозирин гардонида шуд.
