ИШКОШИМ: Иҷлосияи сенздаҳум (даъвати шашум)-и Маҷлиси вакилони халқи ноҳияи Ишкошим баргузор гардид.
Дар таърихи 13 сентябри соли 2022 Иҷлосияи сенздаҳум (даъвати шашум)-и Маҷлиси вакилони халқи ноҳия баргузор гардид.Ба иҷлосия муовинони раиси ноҳия,роҳбари дастгоҳи раиси ноҳия,мудирони шуъбаву бахшҳои дастгоҳи раиси ноҳия,роҳбарони идораву муассисаҳои ноҳия ва сохторҳои ҳуқуқӣ даъват гардиданд.Дар кори иҷлосия иштирок доранд Носирзода Умедҷон-муовини раиси Вилояти Мухтори Кӯҳистони Бадахшон. Тибқи таклиф котибот дар ҳайати 3 нафар интихоб гардиданд:
Шоҷонов А-вакил аз ҳавзаи интихоботии Зонг № 27 , Асанов М- вакил аз ҳавзаи интихоботии Шанбедеҳ №4 ва Мирзоева З- вакил аз ҳавзаи интихоботии Дашт №11.
Ба муҳокимаи иҷлосияи сенздаҳум (даъвати шашум)-и Маҷлиси вакилони халқи ноҳия масъалаҳои зерин гузошта шуданд:
1.Ҳисоботи раиси комиссияи доимии танзими анъана ва ҷашну маросими ҷамоати деҳоти Вранг доир ба рафти иҷрои талаботҳои Қонуни Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон” дар давоми соли 2021 ва нуҳ моҳи соли 2022.
2.Рафти иҷрои қарори раиси ноҳияи Ишкошим аз 27 марти соли 2020, №112 қарори раиси ВМКБ аз 30 июли соли 2020, №215 Қарори Ҳукумати Ҷумҳурии Тоҷикистон аз 25 июни соли 2020, №386 “Дар бораи Барномаи амнияти озуқавории Ҷумҳурии Тоҷикистон барои солҳои 2020-2024”
3.Дар бораи тасдиқи Барномаи рушди иҷтимоию иқтисодии ноҳияи Ишкошим барои солҳои 2022-2025.
4.Дар бораи тасдиқи қарорҳои раиси ноҳия, ки байни иҷлосияҳои дувоздаҳум ва сенздаҳуми (даъвати шашуми)-и Маҷлиси вакилони халқи ноҳия қабул шудаанд.
Аз рӯйи масъалаи якуми рӯзнома сухан ба раиси ҷамоати деҳоти Вранг Мирбобоев М баромад намуда, ҳамчунин Сарабеков Қ-вакил аз ҳавзаи интихоботии №16, Холмамадов В-вакил аз ҳавзаи интихоботии № 19, Ғуломалиева Р-вакил аз ҳавзаи интихоботии № 25, Қурбоншоев М-вакил аз ҳавзаи интихоботии №2 ва
Асанов М-вакил аз ҳавзаи интихоботии № 4 вобаста ба масъалаи мазкур суханронӣ намуданд.
Аз рӯйи масъалаи дуюми рӯзнома Наврузова А- сармутахассиси бахши кишоварзии мақомоти иҷроияи ҳокимияти давлатии ноҳияи Ишкошим гузориш доданд.
Оид ба масъалаи сеюми рӯзнома сухан ба мудири бахши иқтисод ва савдои Мақомоти иҷроияи ҳокимияти давлатии ноҳияи Ишкошим Атобеков Н. дода шуд.
Оид ба масъалаи чоруми рӯзнома мудири шуъбаи ташкилӣ ва кор бо кадрҳои дастгоҳи раиси ноҳия Асанов С ва роҳбари дастгоҳи раиси ноҳия Некбахтшоев Н баромад намуданд..
Дар ҷамъбасти кори иҷлосия муовини раиси Вилояти Мухтори Кӯҳистони Бадахшон Носирзода Умедҷон суханронӣ намуда,вобаста ба масъалаҳои баррасӣ гардида ҷиҳати иҷрои босифату саривақтӣ ба масъулин дастурҳои мушаххас доданд.
