Санаи 29 августи соли равон дар маҷлисгоҳи Мқаомоти иҷроияи ҳокимияти давлатии ноҳияи Ишкошим машварати васеи назди раиси ноҳия баргузор гардид. Ба машварати васеи назди раиси ноҳия муовинони раиси ноҳия, роҳбари дастгоҳ, мудирони шуъбаву бахшҳои дастгоҳи раиси ноҳия, роҳбарони воҳидҳои сохторӣ, роҳбарони идораву муассисаҳо, ташкилотҳо, мақомотҳои ҳифзи ҳуқуқ ва раисони ҷамоатҳои деҳот даъват гардиданд.
Дар машварати болозикр масъалаҳои зерин мавриди муҳокима ва баррасӣ қарор дода шуданд.
1.Дар бораи рафти иҷрои “Барномаи рушди иҷтимоиву иқтисодии ноҳияи Ишкошим барои солҳои 2021-2025”.
2.Оид ба рафти иҷрои қарори раиси ноҳия аз 14 июни соли 2022, № 261 “Дар бораи омодагӣ ба даъвати тирамоҳии соли 2022-шаҳрвандони солҳои таваллуди 1995-2023 ба хизмати ҳарбӣ”
3. Оид ба фаъолияти бойгонии байни идоравӣ дар ноҳия ва пардохт нагардидани ҳаққи хизматрасонии муассиса аз ҷониби идораву муассисаҳо.
4.Рафти иҷрои қарори раиси ноҳияи Ишкошим аз 22 августи соли 2022, №384 “Дар бораи иҷрои нақшаи чорабиниҳо оид ба омадгӣ ба таҷлили ҷашни 31 солагии Истиқлолияти давлатии Ҷумҳурии Тоҷикистон”
5. Раванди омодагии муассисаҳои таҳсилотии ҳудуди ноҳия ба соли нави хониши 2022-2023
Вобаста ба масъалаи якуми машварат мудири бахши иқтисод ва савдои Мақомоти иҷроияи ҳокимияти давлатии ноҳияи Ишкошим Нуралӣ Атобеков баромад намуда, оид ба иҷрои бандҳои “Барномаи рушди иҷтимоиву иқтисодии ноҳияи Ишкошим барои солҳои 2021-2025” дар гузоришашон дарҷ намуданд.
Дар доираи масъалаи дуюми рӯзномаи машварат муовини комисари Комиссариати ҳарбии ноҳия Паҳлавонов Маъруф гузориш дода, оид ба рафти омодагиҳо ҷиҳати сафарбарнамоии ҷавонони синни даъват ба хизмати ҳарбӣ афзуданд, ки айни ҳол дар ин самт корҳо роҳандозӣ гардида, ҷиҳати саривақт ва босифат иҷро намудани нақшаи даъват чораҳои зарурӣ ва саривақтӣ андешида шудаанд.
Тибқи масъалаи 3 юми рӯзномаи машварат мудири бахши бойгонии ноҳия Зуробекова Бону баромад намуда, оид ба фаъолияти бойгонии байни идоравӣ дар ноҳия ва пардохт нагардидани ҳаққи хизматрасонии муассиса аз ҷониби идораву муассисаҳо дар гузоришашон дарҷ намуданд.
Муовини раиси ноҳия оид ба корҳои идеологӣ Назарзода Душанбе оид ба рафти омодагиҳо ҷиҳати иҷрои амалии қарори раиси ноҳия аз 22 августи соли 2022, №384 “Дар бораи иҷрои нақшаи чорабиниҳо оид ба омадгӣ ба таҷлили ҷашни 31 солагии Истиқлолияти давлатии Ҷумҳурии Тоҷикистон” баромад намуда, қайд доштанд, ки дар доираи нақшаи чорабиниҳо корҳо мувофиқи мақсад ба роҳ монда шуда, аллакай дар пештоқи идораву муассисаҳо шиору аёниятҳо ва Парчамҳо афрохта шудаанд.Инчунин ҳар ҳафта рӯзҳои шанбе дар назди хонаи фарҳанги маркази ноҳия бо иштироки ҳунармандони фарҳанги ҷамотаҳои деҳот барномаҳои консертӣ ташкилу баргузор гардида истодаанд.
Шамс Муборакшоев дар гузориши худ оид ба масъалаи раванди омодагиҳои муассисаҳои таҳсилотии ҳудуди ноҳия қайд доштанд, ки муассисаҳои таҳсилоти ба соли нави хониш омода буда, рафти корҳои таъмирӣ пурра ба анҷом расонида шудаанд.
Дар ҷамъбасти кори машварат раиси ноҳияи Ишкошим пас аз баррасии масъалаҳои зикршуда ва ҷиҳати бартараф намудани баъзе камбудиҳо ба масъулини идораву муассисаҳо дастур ва супоришҳо дода, қайд намуданд, ки ҳар як идораву муассисаҳо ҷиҳати иҷрои вазифаҳояшон масъулияти баланд ҳис намуда, ба мардум содиқона ва поквиҷдона хизмат намоянд.