Дар доираи дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки дар ҷаласаи корӣ дар ноҳияи Данғараи вилояти Хатлон дода шудаанд, имрӯз вазири меҳнат, муҳоҷират ва шуғли аҳолии Ҷумҳурии Тоҷикистон Амонзода Ширин Шодӣ сафари корӣ ба ноҳияи Ишкошими Вилояти Мухтори Куҳистони Бадахшон анҷом доданд.
Вазири меҳнат, муҳоҷират ва шуғли аҳолии Ҷумҳурии Тоҷикистон Амонзода Ширин Шодиро дар ин сафари корӣ муовини раиси Вилояти Мухтори Куҳистони Бадахшон Иматшозода Анвар Иматшо ҳамроҳӣ намуданд.
Зимни сафари корӣ ба ноҳияи Ишкошим Амонзода Ширин Шодӣ – вазири меҳнат, муҳоҷират ва шуғли аҳолии Ҷумҳурии Тоҷикистон аз шароити кории зерсохтори вазорат дар маҳал, бахусус аз утоқҳои корӣ, Маркази омӯзиши таълимии калонсолон, ки дар бинои азнавтаъмиршуда, ки бо дастгирии молиявии Бунёди миллии маблағгузории иҷтимоии Тоҷикистон (БМИИТ) дар маркази ноҳия бо талабот мувофиқ гардонида шудааст, дидан намуданд.
          Дар рафти шиносоӣ аз шароиту имкониятҳои корӣ ба маъсулини соҳа ҷиҳати софдилонаву поквиҷдона адо намудани вазифаҳои ба дӯшдошта ва хизмат намудан ба мардуми ноҳия дастуру супориш доданд.
         Илова ба ин ҳангоми боздид аз ноҳияи Ишкошим вазири меҳнат, муҳоҷират ва шуғли аҳолии Ҷумҳурии Тоҷикистон Амонзода Ширин Шодӣ аз рафти корҳои таъмиру азнавсозии анҷомёфта дар бинои маъмурии Ҷамоати деҳоти ба номи Аскар Замиров дидан намуда, аз утоқҳои ҷудогардида барои маркази касбомӯзӣ дар ҷамоати деҳот изҳори қаноатмандӣ намуданд.Зикр доштанд, ки таъсис ёфтани чунин марказҳои касбомӯзӣ имрӯзу оянда ҷиҳати соҳибкасб намудани шахсони бешуғл, паст гардидани сатҳи бекорӣ ва беҳтар гардидани шароити зисту зиндагии аҳолӣ дар ноҳия муоидат хоҳад намуд.