Забон яке аз муҳимтарин рукнҳои асосӣ, ифодагари халқу миллат ва давлатдорӣ мебошад.Хушбахтона дар замони соҳибистиқлолии кишвари маҳбубамон Тоҷикистон густариш ёфта, беш аз беш нақшу мақом ва манзалти худро ба ҳайси забони давлатии Ҷумҳурии Тоҷикистон мустаҳкам намудааст, ки ин ҳама аз сиёсати хирадмандонаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошад.Зеро забони давлатии мо ва ташаккули мунтазами он дар баробари истиқлолияти давлатӣ нишона ва ё рамзи мустақилияти давлатӣ ва сиёсии кишвари соҳибистиқлоламон маҳсуб меёбад.Қобили қайл аст, ки ҷашн гирифтани Рӯзи забони давлатии Ҷумҳурии Тоҷикистон яке аз падидаҳои мубораки даврони соҳибистиқлолии кишварамон буда, он дар баробари дигар санаҳои миллию таърихиамон ҳарсол санаи 5 октябр ҷашн гирифта мешавад.
Дар ноҳияи Ишкошим низ дар баробари дигар шаҳру ноҳияҳои ҷумҳурӣ таҷлили Рӯзи забони давлатии Ҷумҳурии Тоҷикистон бошукуҳ таҷлил гардид.Дар толори мақомоти иҷроияи ҳокимияти давлатии ноҳия маҷлиси тантанавӣ баргузор гардида, раиси ноҳияи Ишкошим Мирзозода Мусо Одинамуҳаммад ҳамаи сокинонро ба ин санаи таърихӣ табрику таҳният намуданд.Ҳамчунин хонандагони муассисаи таҳсилоти миёнаи умумии рақами 44 –и ноҳия дар васфи забони модарӣ аз осори шоирони классик ва муосири тоҷик порчаҳои шеъриро қироат намуда, барномаи фарҳангии аҳли ҳунармандони хонаи фарҳанги ноҳия идомагарӣ чорабинӣ буд.