Санаи 20 уми сентябри соли равон дар толори Мақомоти иҷроияи ҳокимияти давлатии ноҳияи Ишкошим таҳти раёсати раиси ноҳияи Ишкошим Мирзозода Мусо Одинамуҳаммад машварати васеи назди раиси ноҳия баргузор гардид.
Ба машварати васеи назди раиси ноҳия муовинони раиси ноҳия, роҳбари дастгоҳ, мудирони шуъбаҳо, бахшҳои дастгоҳи раиси ноҳия, роҳбарони воҳидҳои сохторӣ, роҳбарони идораю муассисаҳо, ташкилотҳо, мақомотҳои ҳифзи ҳуқуқ, сохторҳои низомӣ, раисони Ҷамоати деҳоти ноҳия даъват шуданд
Дар машварати доиргардида масъалаҳои зерин баррасӣ гардиданд:
1.Дар бораи рафти иҷрои қарори раиси ноҳияи Ишкошим аз 24 майи соли 2021, №208 “Дар бораи Барномаи миллӣ оид ба муқовимат бо эпидемияи ВНМО дар Ҷумҳурии Тоҷикистон барои солҳои 2021-2025”;
2.Рафти иҷрои Қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд”.
Вобаста ба масъалаи якуми рӯзнома Мақбулшоев Ошур сардори Маркази ВНМО – и ноҳия баромад намуда, аз рафти корҳои анҷомдодаи бандҳои Барномаи миллӣ оид ба муқовимат бо эпидемияи ВНМО дар Ҷумҳурии Тоҷикистон барои солҳои 2021-2025 дар баромади худ дарҷ намуданд. Аз рӯи масъалаи дуюми рӯзнома котиби Комиссияи ҳифзи ҳуқуқи кӯдаки Мақомоти иҷроияи ҳокимияти давлатии ноҳия Шоалифов Фаридун маърӯза карда, қайд намуданд, ки иҷрои Қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд” дар ноҳия мутобиқи талабот ба роҳ монда шуда, маъсулияти падару модарон дар бобати таълиму тарбия ва иҷрои қонун мувофиқ ба мақсад иҷро гардида истодааст.Раиси ноҳияи Ишкошим Мирзозода Мусо Одинамуҳаммад дар ҷамъбаст ба роҳбарони идораву муассисаҳоро ҷиҳати иҷрои маъсулиятҳои ба дӯшашон гузошташуда дастур ва супоришҳои мушаххас доданд.