Субҳи имрӯз дар қатори дигар шаҳру ноҳияҳои кишвар санҷиши омодабошии ҷангӣ “Марз-2021” баргузор гардид.Сокинони сарбланди ноҳияи Ишкошим бо ҳиссӣ баланди хештаншиносӣ ва ҳуввияти миллӣ ҷиҳати иҷрои амалии фармони роҳбарияти Олии кишвар зиёда аз 1000 нафар захираҳои эҳтиётӣ аз ҷамоатҳои деҳоти ноҳия дар ин майдон сарҷамъ омаданд.
Ҳамчунин дар гузашти низомӣ афсарону сарбозони қисми ҳарбии 0411-и Қӯшунҳои сарҳадии Кумитаи давлатии Амнияти миллии Ҷумҳурии Тоҷикистон, ҳайати шахсии ротаи алоҳидаи тирандозии куҳии қисмии ҳарбии 01123-и Вазорати мудофиаи Ҷумҳурии Тоҷикистон, ҳайати шахсии шуъбаи Вазорати корҳои дохилии Ҷумҳурии Тоҷикистон дар ноҳияи Ишкошим ва захираҳои эҳтиётиии ин ниҳод, ҳайати шахсии шуъбаи Кумитаи давлатии амнияти миллии Ҷумҳурии Тоҷикистон дар ноҳияи Ишкошим ва захираҳои эҳтиётии сохтори мазкур, ҳайати шахсии захиравии дар эҳтиёт будаи кормандони Мақомоти иҷроияи ҳокимияти давлатии ноҳияи Ишкошим ва дигар идораву муассисаҳо иштирок намуда тамрин бо қувва ва воситаҳои ноҳияи мудофиаи ҳудудӣ баргузории гузашти низомӣ доир шуд. Нахуст баргузории ҷамъомад бо хондани Суруди миллӣ оғоз ёфт.
Дар зимн бояд қайд намуд, ки муовини сардори ситоди генералии Қувваҳои Мусаллаҳи Ҷумҳурии Тоҷикистон генерал майор Меҳровар Хушвахт суханронӣ намуда, аз иштироки дастаҷамъонаи сокинаони ноҳия дар ҷамъомади болозикр изҳори қаноатмандӣ намуда, қайд намуданд, ки мардуми шарафманди ноҳияи Ишкошим тамоми қувва, неруи зеҳнӣ ва касбии худро барои таъмини вазъи сиёсиву ҷамъиятӣ ва оромиву осудагии Тоҷикистони азиз ба харҷ дода, дар таҳкими амнияти давлату миллат саҳми босазои худро гузошта истодаанд. Инчунин раиси ноҳияи Ишкошим Мирзозода Мусо Одинамуҳаммад суханронӣ намуда, иброз доштанд, ки сокинони сарбаланди ноҳияи Ишкошим сиёсати хирадмандонаву ваҳдатовари Асосгузори сулҳу ваҳдати миллӣ Пешвои миллат,Президенти Ҷумҳурии Тоҷикистон муҳтарам Эмомалӣ Раҳмонро сармашқи кору фаъолияти ҳаррӯзаи худ қарор дода,дар мустаҳкам намудани пояҳои давлатдории миллӣ ва ваҳдату якпорчагии кишвари азизамон, тавассути меҳнати ҳалол ва таҳсили илму дониш дар дохил ва хориҷи кишвари азизамон дар муаррифӣ намудани Ватану миллати азизамон ва ҳифзи марзу буми кишвар пойдори сулҳу оромӣ саҳми босазои худро мегузоранд.
Баъд аз анҷоми суханрониҳо иштирокдорони ҷамъомад бо машқи низомӣ аз майдон гузаштанд.
