Бо мақсади сазовор ҷашн гирифтани 24 умин солгарди рӯзи Ваҳдати миллӣ имрӯз дар китобхонаи марказии ноҳияи Ишкошим намоиши васеи китобӣ дар мавзӯи “Ваҳдат рамзу саодати миллат” ва конференсияи илмӣ – назариявӣ дар мавзӯи “Ваҳдат- зеботарин ва бузургтарин баҳори зиндагист” баргузор гардид. Директори китобхонаи марказии ноҳия Моҳинав Ёғибекова бо сухани муққадимавӣ оғоз намуда, ҳамаи иштирокдоронро ба фарорасии ин ҷашни фархунда табрику таҳният намуданд.
Прокурори ноҳия, мушовири адлияи дараҷаи 1 Шарифзода Диёр Соҳибназар дар мавзӯи “Ваҳдати миллӣ – неъмати бебаҳои давлат аст” ба сухан баромада, вобаста ба аҳамияти таърихии Ваҳдати миллӣ дар пойдории давлатдорӣ ва равандҳои рушди бо мароми ҷомеа суханронӣ намуданд. Иҷрочии хадамоти иҷрои суди ноҳияи Ишкошим Офиятхонов Мухтор вобаста ба нақши Асосгузори сулҳу ваҳдати миллӣ дар таҳкими сулҳу субот ва ваҳдати миллӣ баромад намуданд. Дар рафти баргузории конференсия инчунин корманди шуъбаи маорифи ноҳияДушанбиев Завқибек ва сармуҳарири рӯзноми “Зиндагӣ” Улфатов Саъдоншо баромад намуданд.
Дар фарҷоми кори конференсия мудири бахши фарҳанги ноҳия Гулдасташо Амирхонов чорабиниро ҷамъбаст намуда, барои иштироки кулли нишастагон изҳори сипос намуда, баҳри мардуми шарафманди тоҷик, сулҳу субботи кишвар, фазои софу беғубор, сиҳатмандиро орзу намуданд.
