Санаи 21 уми июни соли равон дар толори хонаи фарҳанги маркази ноҳия даври вилоятии фестивал озмуни ҷумҳуриявии телевизионии эҷодиёти халк “Андалеб-2021” бахшида ба 30 солагии Истиқлолияти давлатии Ҷумҳурии Тоҷикистон баргузор гардид.
Ғолибони даври ноҳиявии дастаи ҳаваскорони саньати Ҷамоатҳои деҳоти Вранг ва А.Замиров дар ҳамдастӣ бо ҳунармандони хонаи фарҳанги маркази ноҳия барномаи ҳунариро дар доираи Низомнома бо иҷроиши ҳамаи шартҳои озмунӣ омода намуда, пешкаши ҳайати ҳакамони вилоятӣ гардониданд.
Ногуфта намонад, ки намоиши ҳунарҳои мардумӣ, суруди якка дар иҷрои Ромиши Қубодбек, ракси якка дар иҷрои Озари Мавлоназар, навозиши якка дар иҷрои Одинаев Мастоншо, намоиши сару либоси миллӣ, порча аз аньанаҳои мардуми “Сартарошон”, сюита овози рақсии “Мавҷҳои истиқлол” дар сатҳи баланд пешниҳод гардида , сазовори баҳои баланди ҳайати ҳакамон гардиданд. Дар маҷмуь барномаи дастаи ҳаваскорони саньати ноҳия сазовори 113 хол гардида, ба даври навбати роҳхат гирифт.
