Имрӯз дар толори конфронсии Мақомоти иҷроияи ҳокимияти давлатии ноҳияи Ишкошим тибқи дастури муовини раиси Шӯрои ҷамъиятии Ҳарактаи ваҳдати миллӣ ва эҳёи Тоҷикистон дар мувофиқа бо раиси Вилояти Мухтори Кӯҳистони Бадахшон, муҳтарам Файзов Ёдгор ҷаласаи Шӯрои ҷамъиятии Ҳарактаи ваҳдати миллӣ ва эҳёи Тоҷикистон баргузор гардид.
Дар кори ҷаласа Қаландариён Ҳоким Сафар-Директори Институти илмҳои гуманитарии ба номи академик Б.Искандаров АМИТ, муовини раиси Шӯрои ҷамъиятии Ҳарактаи ваҳдати миллӣ ва эҳёи Тоҷикистон ва Абдулназаров Абдулназар –мудири шуъбаи фолклор ва адабиёти Бадахшонии ИИГ АМИТ, котиб –ҳамоҳангсози Шӯрои ҷамъиятии Ҳарактаи ваҳдати миллӣ ва эҳёи Тоҷикистон дар ВМКБ иштирок доштанд.
Дар ҷараёни баргузории ҷаласа масъалаҳои зерин баррасӣ гардиданд:
1. Маълумоти мухтасар дар бораи Шӯрои ҷамъиятии ҳаракати ваҳдати миллӣ ва эҳёи Тоҷикистон: ҳадаф ва вазифаҳо
2. Шиносоӣ бо қарорҳои Раиси Шӯрои ҷамъиятии ҳаракати ваҳдати миллӣ ва эҳёи Тоҷикистон дар ВМКБ, раиси ВМКБ Ёдгор Файзов
3. Тасдиқи раис, муовин, котиб ва ҳайати аъзои нави Шӯрои ҷамъиятии ҳаракати ваҳдати миллӣ ва эҳёи Тоҷикистон дар ноҳияи Ишкошим
4. Тасдиқи Нақшаи кории Шӯрои ҷамъияти ҳаракати ваҳдати миллӣ ва эҳёи Тоҷикистон дар ноҳияи Ишкошим
5.Интихоби раиси Шӯрои куҳансолони Шӯрои ҷамъияти ҳаракати ваҳдати миллӣ ва эҳёи Тоҷикистон дар ноҳияи Ишкошим
6.Масъалаҳои ҷорӣ
Вобаста ба масъалаи якуми ҷаласа раиси ноҳияи Ишкошим Мирзозода Мусо Одинамуҳаммад, раиси Шӯрои ҷамъиятии ҳаракати ваҳдати миллӣ ва эҳёи Тоҷикистон дар ноҳияи Ишкошим баромад намуда, оид ба фаъолияти Шӯро дар соли 2020 ва ҳадафу вазифаҳои минбаъдаи Шӯрои ҷамъияти ҳаракати ваҳдати миллӣ ва эҳёи Тоҷикистон дар ноҳия маълумот доданд.
Дар рафти ҷаласа Қаландариён Ҳоким Сафар-Директори Институти илмҳои гуманитарии ба номи академик Б.Искандаров АМИТ, муовини раиси Шӯрои ҷамъиятии Ҳарактаи ваҳдати миллӣ ва эҳёи Тоҷикистон суханронӣ намуда, оид ба мақсаду мароми Шӯро ва ҷанбаҳои муҳиму таърихии Ваҳдати миллӣ суханронӣ намуданд.
Дар зимн раис, муовин, котиб ва ҳайати нави Шӯрои ҷамъиятии ваҳдати миллӣ ва эҳёи Тоҷикистон дар ноҳия ва раиси Шӯрои куҳансолони Шӯрои ҷамъияти ҳаракати ваҳдати миллӣ ва эҳёи Тоҷикистон дар ноҳияи Ишкошим интихоб ва тасдиқ гардианд.
Абдулназаров Абдулназар –мудири шуъбаи фолклор ва адабиёти Бадахшонии ИИГ АМИТ, котиб –ҳамоҳангсози Шӯрои ҷамъиятии Ҳарактаи ваҳдати миллӣ ва эҳёи Тоҷикистон дар ВМКБ вобаста ба Тасдиқи Нақшаи кории Шӯрои ҷамъияти ҳаракати ваҳдати миллӣ ва эҳёи Тоҷикистон дар ноҳияҳо баромад намуда, инчунин Нақшаи кории Шӯрои ҷамъияти ҳаракати ваҳдати миллӣ ва эҳёи Тоҷикистон дар ноҳияи Ишкошим тасдиқ гардид.
Дар доираи масъалаҳои ҷорӣ Муродмамадов Иқлболхон-мудири бахш оид ба корҳои дин ва танзими анъана ва ҷашну маросим, Саъдоншо Улфатов сармуҳаррири рӯзномаи ноҳиявии “Зиндагӣ” ва Шодустмамадова Бибиҳаво раиси навтаъиншудаи Шӯрои куҳансолони Шӯрои ҷамъияти ҳаракати ваҳдати миллӣ ва эҳёи Тоҷикистон дар ноҳия суханронӣ намуданд.Суратгузориш аз рафти баргузории ҷаласа
