Санаи 22 марти соли равон таҷлили ҷашни наврӯзии сатҳи ноҳиявӣ дар фазои ботананаву идона ва сатҳи баланд дар деҳаи Қозидеҳи Ҷамоати деҳоти Қозидеҳ баргузор гардид.
Ҳамзамон бояд қайд намуд, ки дар ин чорабинии идонаи наврӯзӣ муовини раиси Вилояти Мухтори Кӯҳистони Бадахшон муҳтарам Носирзода Умедҷон ва муовини Директори Марказии миллли Қонунгузории назди Ҳукумати Ҷумҳурии Тоҷикистон муҳтарам Фарҳод Маҳмадшозода иштирок доштанд.
Нахуст аз ҳама раиси ноҳияи Ишкошим Мирзозода Мусо Одинамуҳаммад ва ҳайати расмӣ инчунин меҳмонон намоиши ҳунарҳои мардумӣ ва дастовардҳои ноҳия дидан намуданд.
Дар рафти баргузории ҷамъомади тантавӣ бахшида ба таҷлил Иди Наврӯз раиси ноҳияи Ишкошим муҳтарам Мирзозода Мусо ҳамаи мардуми ноҳияро ба ин ҷашни фархундаву мероси аҷдодӣ самимона табрик намуданд. Ҳамчунин муовини раиси Вилояти Мухтори Кӯҳистони Бадахшон муҳтарам Носирзода Умедҷон, муовини Директори Марказии миллли Қонунгузории назди Ҳукумати Ҷумҳурии Тоҷикистон муҳтарам Фарҳод Маҳмадшозода ва Парвонаи Фаррухзод раиси таълимоти Анҷумани маҳзаби дар Ҷумҳурии Тоҷикистон мардуми шарафманду сарбалнди ноҳияи Ишкошимро ба ҷашни зебои сол Наврӯзи оламафрӯз муборак намуданд.
Дар арафаи иди наврӯз хатнасури 14 нафар кӯдакон аз оилаҳои камбизоат бо маблағи 4200 сомонӣ, баргузор намудани ду ҷуфт туйи домодиву арӯсии хайриявӣ бо маблағи 4 ҳазор сомонӣ инчунин ба 15 оилаҳои эҳтиёҷманд ба маблағи 2500 сомонӣ аз ҳисоби фонди захиравии раиси ноҳия баргузор шуд, ҳамчун дастгирии молиявии яквақта расонида шуд. Аз тарафи идораву муассисаҳо ва алоҳида шахсони саховатманд ба 20 нафар шахсони ниёздошта ба маблағи 2070 кӯмак расонида шуд.
Инчунин як қатор кормандони идораву муассисаҳои ҳудуди ноҳия бо Ифтихорномаи раиси ноҳия сарфароз гардонида шуданд.
Аз ҷониби аҳли ҳунари фарҳанги ноҳия барномаҳои пурмуҳтавои идона пешкашӣ ҳозирин гардонида шуд.
Лозим ба зикр аст, ки баъд аз нисфи рӯз бозиҳои варзишӣ аз намуди “Гӯштини миллӣ” ва бозии “Волейбол” доир гардид.
