Тибқи нақшаи кории Маҷлиси намояндагони Маҷлиси Олии Ҷумҳурии Тоҷикистон вохӯрии вакилони Маҷлиси намояндагони Маҷлиси Олии Ҷумҳурии Тоҷикистон бо интихобкунандагон дар шаҳру ноҳия ва маҳалҳои аҳолиишин ташкилу гузаронида шуда истодааст.
Субҳи имрӯз вакили Маҷлиси намояндагони Маҷлиси Олии Ҷумҳурии Тоҷикистон Гиёзода Азиз Қодир ба ноҳияи Ишкошим ҷиҳати доир намудани вохӯрӣ бо интихобкунандагон сафари корӣ анҷом доданд.
Дар Ҷамоати деҳоти ба номи Аскар Замиров раиси ноҳияи Ишкошим Мирзозода Мусо Одинамуҳаммад Гиёзода Азиз Қодирро истиқбол намуда, нахуст вохӯрӣ дар маркази Ҷамоати деҳоти ба номи Аскар Замиров деҳаи Андароб бо сокинони ҷамоати деҳот доир гардид. Ҳамчунин баъд аз нисфи рӯз дар маркази ноҳияи Ишкошим вохӯрии вакили Маҷлиси намояндагони Маҷлиси Олии Ҷумҳурии Тоҷикистон Гиёзода Азиз Қодир бо кормандони идораву муассисаҳо ва сокинони ноҳия доир гардид.
Бояд қайд намуд, ки зимни вохӯрӣ Гиёзода Азиз Қодир оид ба мазмун ва муҳтавои Паёми Асосгузори сулҳу Ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон “Дар бораи самтҳои асосии сиёсати дохилию хориҷии Ҷумҳурии Тоҷикистон”мулоқот намуда, ба ҳозирин баҳри иҷрои дастур ва супоришҳое, ки дар ин ҳуҷҷати муҳим дарҷ ёфтаанд тавсияҳои заруриро пешниҳод намуданд.
Ҳамчунин дар рафти вохӯрӣ имрӯз вакили Маҷлиси намояндагони Маҷлиси Олии Ҷумҳурии Тоҷикистон Гиёзода Азиз Қодир қайд намуданд, ки имрӯзҳо мо мардуми сарбаланди Тоҷикистони азиз дар арафаи таҷлили ҷашнҳои бузурги миллӣ аз ҷумла Наврӯзи байналмилалӣ, Ваҳдати миллӣ ва 30 солагии Истиқлолияти давлатии Ҷумҳурии Тоҷикистон қарор дорем эътимоди комил дорам, ки мардуми шарафманди ноҳияи Ишкошим бо дарку маъсулияти баланди хештаншиносӣ ва ифтихор аз дастовардҳои бузурги даврони соҳибистиқлолӣ дар татбиқи амалии дастуру супоришҳои Асосгузори сулҳу Ваҳдати миллӣ -Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пайваста талош намуда дар сатҳти баланд таҷлил намудани ҷашнҳои дар пеш истода, дар ободониву шукуфоии диёр кишвар саҳми намоён мегузоранд.