Дар толори китобхонаи ба номи Амирбек Абибови маркази ноҳия бахшида ба Рӯзи модар вохӯрӣ бо яке аз фаъолзанони ноҳия муаллима Замирова Сайёрамо ҳамзамон вакили маҷлиси намояндагони ВМКБ доир гардид.Лозим ба зикр аст, ки дар баргузории ин вохӯрӣ муовини раиси ноҳияи Ишкошим Холдорзода Ашам, мудири бахши кор бо занон ва оилаи МИҲД –ии ноҳия Муллоева Гулшан, кормандони идораву муассисаҳо ва бонувони собиқадор иштирок доштанд.
Дар баргузории вохӯрӣ кормандони китобхона Яқубова Гулрухсор ва Раҷабова Майно оид ба нақши зан-модар дар ҷомеаи имрӯза баромад намуданд.
Муаллима Замирова Сайёрамо ба сухан баромада қайд намуданд, ки воқеан зан – модар бузург аст ва ҳар қадаре, ки онро васф намоем интиҳо надорад.Ёдовар аз шуданд, ки бо шарофати соҳибистиқлолии кишвар имрӯзҳо дар ҳамаи соҳаҳо занони кишвар дар баробари мардон фаъолият доранд.Муаллима ҳамчунин қайд намуданд, ки модарон дар баробари иҷрои рисолати аслии худ яъне тарбияи фарзанд боз сиёсатмадору олим, омӯзгору табиб, муҳандису коршинос, варзишгар ва соҳибкори муваффақ буда, мақсади ягонагиашон пояндагии сулҳу субот ва оромии ҷомеаи тозаистиқлоламон Тоҷикистон мебошад.
Холдорзода Ашам –муовини раиси ноҳия ба сухан баромада фарорасии Рӯзи модарро ба ҳамагон табрик намуда аз саҳми занон дар ҷодаи созандагиву рушд баён доштанд.
Тарбиятгирандагони кӯдакистони № 6 –и ноҳия ва хонандагони муассисаи таҳсилоти миёнаи умумии рақами дар васфи Зан- Модар порчаҳои шеърӣ ва сурудҳо қироат намуданд.