Бо ибтикори Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дувоздаҳ сол пеш иди бонувон ба иди Рӯзи модар мубадал гардид, ки тавонист ҷовидонӣ арзанда бошад.
Бо шарофати таҷлили Рӯзи модар имрӯзҳо дар қатори дигар шаҳру ноҳияҳои қаламрави кишвари маҳбубамон дар ноҳияи Ишкошим низ дар идораву муассисаҳо якқатор конференсияҳову нишасттҳо доир гардида истодаанд.
Бояд қайд намуд, ки санаи 4 марти соли равон дар толори шуъбаи маорифи ноҳияи Ишкошим конференсияи илмӣ таҳти унвони “Меҳри модар” доир гардид.
Дар конфересияи мазкур намояндагони мақомоти иҷроияи ҳокимияти давлатии ноҳия, мудири шуъбаи рушди иҷтимоӣ ва робита бо ҷомеаи дастгоҳи раиси ноҳия Савлатов Ғуломмамад, мудири бахши кор бо занон ва оилаи Мақомоти иҷроияи ҳокимияти давлатии ноҳияи Ишкошим Муллоева Гулшан ва мутахассиси шуъбаи рушди иҷтимоӣ ва робита бо ҷомеаи дастгоҳи раиси ноҳия Латифов Ҳофиз иштирок намуданд.
Дар оғози баргузории кори конференсия сармутахассиси шуъбаи маорифи ноҳия Шарифов Маъруф аз бузурҳимматии зан – модар ва нақши муассир доштани бонувони ноҳия дар рушду нуму ва тарбияи насли навраси ноҳия дар суханронии худ баён доштанд.Инчунин ҳамаи бонувонро самимона ба ин рӯзи пурифтихор табрик намуданд.
Мулакомонва Зулфия ва Шодавронова Зебогул –мушовирони кабинети методии шуъбаи маорифи ноҳия баромад намуданд.
Дар баробари ин тарбиятгирандагони кӯдакистони № 6 –и маркази ноҳия ва хонандагони муассисаи таҳсилоти иловагии назди шуъбаи маорифи ноҳия дар васфи модар порчаҳои шеъриро қироат намуданд.
Дар фарҷоми кори конфронс мудири бахши кор бо занон ва оилаи Мақомоти иҷроияи ҳокимияти давлатии ноҳияи Ишкошим Муллоева Гулшан суханронӣ намуда саҳми занони ноҳияро дар таҳкими сиёсати давлатӣ вусъати корҳои ободонӣ ва иштироки фаъолонаи онҳоро дар корҳои ҷамъиятӣ ёдовар шуданд.