Санаи 24 уми феврал дар толори конфронсии Мақомоти иҷроияи ҳокимияти давлатии ноҳияи Ишкошим Шӯрои Ҳаракати ваҳдати миллӣ ва эҳёи Тоҷикистон дар ноҳия баргузор гардид.
Дар баргузории ҷаласаи Шӯрои Ҳаракати ваҳдати миллӣ ва эҳёи Тоҷикистон дар ноҳияи Ишкошим 3 масъала мавриди муҳокима ва баррасӣ қарор дода шуд.
1. Ҳисоботи раиси Шӯрои Ҳаракати Ваҳдати миллӣ ва эҳёи Тоҷикистон дар ноҳия, раиси ноҳияи Ишкошим Мирзозода Мусо Одинамуҳаммад дар бораи фаъолияти Шӯро дар соли 2020 ва муайян намудани вазифаҳо барои соли 2021
2. Шарҳу тавзеҳи нуқтаҳои асосии Паёми Асосгузори сулҳу Ваҳдати миллӣ, Пешвои миллат, Ҷаноби Олӣ, Президенти Ҷумҳурии Тоҷикистон муҳтарм Эмомалӣ Раҳмон ба Маҷлиси Олии Ҷумҳурии Тоҷикистон “Дар бораи самтҳои сиёсати дохиливу хориҷии Ҷумҳурии Тоҷикистон”.
3. Тасдиқ намудани ҳайати нави Шӯрои Ҳаракати Ваҳдати миллӣ ва эҳёи Тоҷикистон дар ноҳия ва тасдиқи нақшаи фаҳолияти Шӯро барои соли 2021
Аз рӯи масъалаи якуми ҷаласаи Шӯрои Ҳаракати Ваҳдати миллӣ ва эҳёи Тоҷикистон дар ноҳия раиси Шӯро, раиси ноҳияи Ишкошим Мирзозода Мусо Одинамуҳаммад баромад намуда, оид ба фаъолияти аъзоёни Шӯрои Ҳаракати Ваҳдати миллӣ ва эҳёи Тоҷикистон дар ноҳияи Ишкошим ҳисобот доданд.Мирзозода Мусо Одинамуҳаммад фаъолияти азоёни Шӯроро дар соли 2020 қаноатбахш арзёбӣ намуда, иброз доштанд, ки ҳар як аъзои Шӯро пайваста баҳри таҳкими сулҳу субот, ваҳдату ягонагӣ, тарбияи насли наврас дар рӯҳияи инсондӯстиву ватанпарварӣ, пешгирии шомилшавии ҷавонон ба ҳизбу ҳаракатҳои терористӣ дошта, вусъати корҳои созандагиву бунёдкорӣ байни аҳолӣ корҳои тағриботиро пурзӯр намоянд.
Вобаста ба масъалаи дуюми ҷаласаи Шӯрои Ҳаракати Ваҳдати миллӣ ва эҳёи Тоҷикистон дар ноҳия мудири шуъбаи рушди иҷтимоӣ ва робита бо ҷомеаи дастгоҳи раиси ноҳия Савлатов Ғуломмамад маърӯза намуда, қайд намуданд, ки ҳар яки моро зарур аст бо дарки баланди маъсулият дар ростои татбиқи Паёми Асосгузори сулҳу Ваҳдати миллӣ, Пешвои миллат, Ҷаноби Олӣ, Президенти Ҷумҳурии Тоҷикистон муҳтарм Эмомалӣ Раҳмон сарфи назар аз синну сол ва касбу кор аз рӯи мазмун ва муҳтавои Паём вазифаҳои худро муайян намуда, дар пешрафти ҷомеа ва беҳтар намудани сатҳу сифати зиндагӣ ва дар амалӣ намудани ҳадафҳои неку созанда, ки дар Паёми Пешвои миллат ироа гардидаанд сарҷамъ бошем.
Ҳамчунин масъалаи сеюми ҷаласаи оид ба тасдиқ намудани ҳайати нави Шӯрои Ҳаракати Ваҳдати миллӣ ва эҳёи Тоҷикистон дар ноҳия ва тасдиқи нақшаи фаҳолияти Шӯро барои соли 2021 мавриди баррасӣ қарор дода шуд.
Аъзоёни Шӯро Муродмамадов Иқболхон –мудири бахш оид ба корҳои дин танзими аънана ва ҷашну маросимҳои Мақомоти иҷроияи ҳокимияти давлатии ноҳияи Ишкошим, Муллоева Гулшан –мудири шуъбаи кор бо занон ва оилаи Мақомоти иҷроияи ҳокимияти давлатии ноҳияи Ишкошим, Муборакшоев Шамс – мудири шуъбаи маорифи ноҳияи Ишкошим, Амирхонов Гулдасташо –мудири бахши фарҳанги ноҳия, Улфатов Саъдоншо –сармуҳаррири рӯзномаи “Зиндагӣ” ва Азизхонов Мамадсахӣ – раиси собиқадорони ҷангу меҳнати ноҳия вобаста ба масъалаҳои болозикр суханронӣ намуда, фикру андешаҳои худро ҷиҳати ба мақсад мувофиқ намудани кор ва иҷрои Нақшаи фаъолияти Шӯрои ҳаракати ваҳдати миллӣ ва эҳёи Тоҷикистон баён доштанд.