Бахшида ба 28 умин солгарди таъсисёбии Артиши Милии Ҷумҳурии Тоҷикистон имрӯз дар толори хонаи фарҳанги ноҳия чорабинии тантанавӣ баргузор гардид.
Раиси ноҳияи Ишкошим Мирзозода Мусо Одинамуҳаммад дар суханронии худ ҳамаи сокинон, ҳозирин ва сарбозону афсарони қисмҳои ҳарбии дар ноҳия мавҷуд бударо табрику таҳният намуда, пеш аз ҳама аз давраҳои аввали таъсисёбии Артиши Миллӣ ва аз заҳматҳои шабонарӯзии Асосгузории сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ёдовар шуда, қайд намуданд, ки ташкилёбии Артиши миллӣ дар давраи давлатдории навинамон падидаи нав буда, он яке аз заминаҳои асосии давлатдории замони соҳибистиқлолии Тоҷикистон мебошад.
Дар рафти баргузории чорабинӣ бо қарори раиси ноҳияи Ишкошим якқатор кормандони мақомотҳои ҳифзи ҳуқуқ, сарбозону афсарон ва собиқадорони соҳа бо ифтихорномаи раиси ноҳия ва ғолибони чорабинии варзшӣ аз намуди “Шоҳмот”, ки ба ифтихори 28 солагии Қувваҳои Мусаллаҳи Ҷумҳурии Тоҷикистон дар ноҳия баргузор гардида буд сарфароз гардонида шуданд.
Барномаи фаҳангии аҳли ҳунари ноҳия анҷомбахши ин чорабинӣ буд.