Санаи 23 феврали соли равон дар қисми ҳарбии 0411-и ҚС КДАМ Ҷумҳурии Тоҷикистон ва қисми ҳарбии 01123-и ротаи алоҳидаи Қӯшунҳои зудамали Вазорати мудофиаи Ҷумҳурии Тоҷикистон умин солгарди таъсисёбии Қувваҳои Мусаллаҳи Ҷумҳурии Тоҷикистон дар сатҳи баланд ва хотирмон таҷлил гардид.
Бояд ёдовар шуд, ки дар баргузории ин чорабинии танатанавӣ раиси ноҳияи Ишкошим Мирзозода Мусо Одинамуҳаммад иштирок намуданд.
Мирзозода Мусо Одинамуҳаммад – раиси ноҳияи Ишкошим ҳамаи афсарону сарбозонро ба ин санаи таърихӣ табрику намуда, барои хизмати софдилонаву содиқона бархе аз афсарону сарбозон бо Ифтихорномаи раиси ноҳия сарфароз гардонида шуданд.
Дар рафти баргузории чорабинӣ аз майдон байрақи ҷангии қисми ҳарбӣ бароварда шуда, машқи низомӣ доир гардид.
Командири қисми ҳарбии 0411-и ҚС КДАМ-и Ҷумҳурии Тоҷикистон дар ноҳия, подполковник Исмоилов Машрабхон ба сухан баромада аз таърихи таъсисёбии Артиши Миллӣ ва рушди он дар давраи соҳибистиқлолӣ ёдовар шуда ҳамаи афсарону сарбозон ва афсаронро таҳният намуданд.
Инчунин сарбози қаторӣ аз қисми ҳарбии 0411-и ҚС КДАМ-и Ҷумҳурии Тоҷикистон Раҳматов Илҳомиддин ва сержанти калон аз қисми ҳарбии 01123 –и ротаи алоҳидаи Қӯшунҳои зудамали Вазорати Мудофиаи Ҷумҳурии Тоҷикистон суханронӣ намуданд.
Аз ҷониби аҳли фарҳанги ноҳия барномаи консертӣ пешниҳоди ҳозирин гардид.