Имрӯз дар ноҳияи Ишкошим дар ҳамаи идораву муассисаҳо тамошои дастҷамъонаи маросими савгандёдкунии Президенти Ҷумҳурии Тоҷикистон баргузор гардида истодааст. Ҳамзамон бояд қайд намуд, нахуст дар ин чорабинии муҳими сиёсӣ ба Президенти Ҷумҳурии Тоҷикистон аз ҷониби раиси Комиссияи марказии интихобот ва райъпурсии Ҷумҳурии Тоҷикистон шаҳодатномаи Президентӣ ва аз ҷониби раиси Суди Конститутсионии Ҷумҳурии Тоҷикистон нишони Президентӣ супорида шуд.Дар маросими савгандёдкунӣ Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон пеш аз ҳама барои боварию эътимоди комили мардуми Тоҷикистон ба Пешвои миллат доштанашон сипосу миннатдории амиқи худро баён намуданд.
Зимни суханронӣ Пешвои миллат, муҳтарам Эмомалӣ Раҳмон нахуст аз ҳама даврони ҳафт соли сипарӣ гардидаи давлатдории миллати тоҷикро мавриди таҳилу баррасӣ қарор дода, мардуми шарифи Тоҷикистонро бо нақшаи ҳафт соли минбаъдаи Ҳукумати Ҷумҳурии Тоҷикистонро таҳти роҳбарии Президенти тозаинтихоби Тоҷикистони соҳибистиқлол шинос намуданд.
