Дар таърихи 28 уми июли соли 2020 раиси ноҳияи Ишкошим Мирзозода Мусо Одинамуҳаммад директори иҷроияи Оҷонсии Оғохон оид ба макони зист Ҳоди Ҳусейнӣ, директори Оҷонсии Шветсария оид ба рушд ва ҳамкорӣ Валбурга Рус ва директори бонки умумиҷаҳонӣ дар Тоҷикистон ва Туркманистон Ян Питерро дар маркази ноҳия истиқбол намуданд.
Раиси ноҳия Мирзозода Мусо Одинамуҳаммад пеш аз ҳама ташрифи меҳмонони олиқадрро ба ноҳияи Ишкошим самимона хайра мақдам гуфта, ҷиҳати ҳамкориҳои мутақобилан судманд ва ҷиҳати таваҷҷӯҳи хоса ба рушди бемайлони хоҷагии халқи ноҳия бахсус маркази ноҳия ба шарикони рушд изҳори сипос намуданд.
Директори иҷроияи Оҷонсии Оғохон оид ба макони зист Ҳоди Ҳусейнӣ оид бо натиҷаи фаъолияти муборизаи босубот бо касалии сироятии Ковид 19 дар ноҳия аз наздик шинос шуда, барои ташкили корҳои пешгирӣ дар сатҳи баланд изҳори сипос намуданд. Инчунин аз ҷониби директори иҷроияи Оҷонсии Оғохон оид ба макони зист Ҳоди Ҳусейнӣ ба ризокорони Оҷонсии Оғохон оид ба макони зист дар ноҳия, ки дар давраи бемории сироятии коронавирус фаъолияти назаррас доштанд бо Ифтихорнома сарфароз гардонида шуда ва барои оилаҳои ниёзманд кӯмаки яквақта расонида шуд.
Итминон меравад, ки дар баробари аз наздик шинос гардидани шарикони рушд аз вазъи иҷтимоиву иқтисодии ноҳия дар оянда баҳри пиёда намудани лоҳиаҳо ҷиҳати беҳтаршавии шароиту имкониятҳои зисти аҳолии ноҳия мусоидат хоҳанд намуд.
