Иқдоми ободкориву кабудизоркунӣ дар ноҳияи Ишкошим
Бо ибтикори Мақомоти иҷроияи ҳокимияти давлатии ноҳияи Ишкошим ва саҳми сокининони ноҳия ҳашарҳои дастҷамъона густариш ёфта, рӯз то рӯз ташкилу баргузории ҳашарҳои дастҷамъона дар сатҳи ноҳия ва ҷамоатҳои деҳот зиёд гардида истодааст. Худи имрӯз яъне ҳафтаи рӯзи чаҳоршанбе 8 апрели соли 2020 дар маркази ноҳияи Ишкошим бо иштироки кормандони ҳамаи идораву муассисаҳои ноҳия ва сокинон ҳашари умумӣ доир гашт. Ҳамзамон бояд қайд намуд, ки ҳашарчиён ҷӯйҳои обрави назди роҳҳои кӯчаҳои ҳудуди ноҳияро тоза намуда, инчунин ҷойҳои шинонидани дарахтони ороишӣ ва ҳамешасабзро ба тартиб дароварданд. Воқебинона бояд дарҷ намуд, ки ҳар як сокини ноҳия баҳри шукуфоӣ ва симои нав додан ба ҳусни ноҳия бетараф набуда, дар чунин ҳашарҳо саҳми хешро бевосита гузошта истодаанд. Раиси ноҳияи Ишкошим Мирзозода Мусо Одинамуҳаммад иштирокчии ҳашари умуми ноҳиявӣ буда, аз кору фаъолият ва иштироки дастҷамъонаи кормандони идораву муассисаҳо ва сокинон дар рушду нумуи ноҳия изҳори қаноатмандӣ намуданд. Ногуфта намонад, ки то баргузории таҷлили ҷашни 30 солагии Истиқлолияти давлатии Ҷумҳурии Тоҷикистон дар ноҳия ва дар ҳар як маҳалҳои аҳолинишини ҳудуди ноҳия корҳои созандагӣ ва сабзу хуррам гардонии муҳит бо маром идома хоҳанд ёфт.
