Тарбияи ватандӯстии ҷавонон муҳимтарин масъалаи рӯз
Ин иборае бе ҳикмат набуд ва нест, чаро ки кулли ободии диёр чи аз лиҳози иқтисодӣ ва чи аз ҷиҳати маънавию иҷтимоӣ қабл аз ҳама ба нерӯи созандагии ҷавонон вобаста аст, ки ҳар яке дар ҷодаи худ баҳри ободии ватанаш чи ҳиссае мегузоранд. Ояндаи ҳар як миллат ҷавонони баору номус мебошанд, ки ба фаъолияти созандагии худ метавонанд обрую эътибори халқу ватанро дар байни ҷаҳониён баланд бардоранду боиси ифтихору сарбаландии халқи худ шаванд.
Яке аз паҳлӯҳои асосии дӯст доштани халқи худ, миллати худ ин дониш андӯхтан ва дар амал татбиқ намудани он мебошад. Мо ҷавонони имрӯза бояд фаъол бошем, то фардо барои масъулияти ватану ватандорӣ, тараққии илму фарҳангро ба дӯши худ гирифта тавонем. Барои он, ки мо аз худ қаноатманду болида бошем, танҳо ҷидди хонему барои ободонии ватани худ кӯшиш ба харҷ диҳем .
Ватан танҳо марзу бум ва ҳудуди муайяни ҷуғрофӣ нест. Ватан пайванди ногусастании наслҳои дирӯзу имрӯзу фардо мебошад. Муҳофизати истиқлолият ва дастовардҳои он пос доштани хотираи неки аҷдодон , ҳифз ва гиромидошти мероси таърихию фарҳангӣ ва саъю талоши доимӣ ба хотири пешрафти давлату миллат ва шукуфоии ватани аҷдодӣ мебошад. Ватандӯсту ватанпарвар он шахсе аст, ки садоқатмандии худро нисбати ватане, ки зодгоҳаш аст ва нисбати ватане, ки дар он ҷо ҳуқуқи шаҳрвандӣ дорад, нишон медиҳад. Маҳз ҳиссиёт, меҳру муҳаббат ва худшиносиии миллӣ ҷавононро дар рӯҳияи инсондӯстӣ ва ватанпарастӣ ҳидоят мекунад ва водор месозад, ки ҷавонони мо бояд аз калонсолон, ки оинаи ҳаёти ҳаррӯзаи онҳоянд панд омӯзанду ибрат гиранд. Имрӯз Ҳукумати Ҷумҳурии Тоҷикистон ҷиҳати татбиқи сиёсати давлатии ҷавонон, таъмини иштироки фаъолонаи онҳо дар ҳаёти сиёсӣ, иқтисодию иҷтимоӣ ва фарҳангӣ тадбирҳои мушаххас меандешад. Мо ҷавонон дар навбати худ кӯшиш менамоем, ки барои рушду нумӯи ҳисси ватандӯстӣ, худшиносии миллӣ, Ваҳдату миллат, дастуру супоришҳои Асосгузори сулҳу ваҳдати миллӣ, Пешвои миллат, муҳтарам Эмомалӣ Раҳмонро сармашқи кори ҳаррӯзаи худ қарор дода, мувофиқи онҳо кору фаъолият намоем.
Мутахассиси шуъбаи рушди иҷтимоӣ ва робита
бо ҷомеаи дастгоҳи раиси ноҳияи Ишкошим
Ҷумахонова Ҳумайро