Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон бо фаъолияти ҳамарӯзаи пурсамари худ пайваста ба нафъи халқу Ватан ва ояндаи неки Тоҷикистон талош варзида, мардуми шарафманди тоҷикро беш аз пеш ба ватанпарастию миллатдӯстӣ, қадршиносии сулҳу ваҳдати миллӣ, истиқлолият ва давлатдории миллӣ расидан ҳидоят менамояд. Имрӯз ҷавонони мо атрофи мафҳумҳои худшиносӣ, худогоҳи ва ҳувийяти миллӣ озодона ибрози андеша менамоянд, ин далели ташаккулёбии мафкураи соҳибватанӣ ва хештаншиносии насли созандаи кишварамон арзёби мегардад. Пешвои миллатамон борҳо изҳор намудаанд, ки ҳар як фарди тоҷик аз хурд то калонсол бояд ба халқу Ватан содиқона хизмат намоянд.
Дар Конститутсияи Ҷумҳурии Тоҷикистон дарҷ гардидааст, ки ҳифзи Ватан, ҳимояи манфиати давлат, таҳкими Истиқлолият ва иқтидори мудофиавии он вазифаи муқаддаси ҳар як шаҳрванд аст.
Таърихи қаҳрамониву шуҷоат, далерию матонати падарону бобоёни мо ба ҳар як хизматчии ҳарбӣ дарси ибрат аст, ки онҳо дар тӯли таърих халқу Ватани азизамонро аз ҳуҷуми аҷнабиён чандин борҳо озод намуда мардонавор ҳалок шудаанд.
Хизмат дар сафи Артиши миллӣ барои ҳар ҷавонмард, воситаи собит сохтани муҳаббат ба Ватан, модар ва ба халқу диёр аст. Ҷавонони далеру шуҷои ноҳияи Ишкошим, ки пайравони Пешвои маҳбубу ватандустӣ худ мебошанд, барои Тоҷикистони азизамон талош варзида, борҳо барои хизмат ба Ватан худихтиёрӣ ба сафи Қувваҳои мусаллаҳ мераванд. Барои насли наврас хизмат дар сафи Қувваҳои мусаллаҳи мамлакат муҳимтарин мактаби обутоби ҳаёт мебошад. Дар ҳамин ҷо ҷавонписарон сабақи шуҷоату мардонагӣ гирифта, чӣ тавр муҳофизат кардани хоки Ватани азизро меомӯзанд.
Холназарбекова Мунира
мутахассиси бахши бойгонии макомоти иҷроияи
ҳокимияти давлатии ноҳияи Ишкошим