5 уми сентябри соли 2019 дар маркази ноҳияи Ишкошим чорабиниҳои ҷашни 28 солагии Истиқлолияти давлатии Ҷумҳурии Тоҷикистон баргузор гардид. Дар чорабинии идона намояндаи Ҳукумати Ҷумҳурии Тоҷикистон муовини директори маркази миллии қонунгузории назди Президенти Ҷумҳурии Тоҷикистон Маҳмадшоҳзода Фарҳод Абдураҳмон ва муовини раиси Вилояти Мухтори Кӯҳистони Бадахшон Иматшозода Анвар иштирок намуданд.
Дар оғози баргузории чорабинӣ нахуст раиси ноҳия Мирзозода Мусо Одинамуҳаммад, намояндагони Ҳукумати Ҷумҳурии Тоҷикистон ва Вилояти Мухтори Кӯҳистони Бадахшон дар маркази ноҳия ҳамчун иншооти ҷашнӣ маркази хизматрасонӣ яъне кошонаи ҳусн, сартарошхонаро бо буридани лентаи рамзӣ мавриди истифода қарор доданд.
Баъди ифтитоҳи маркази хизматрасонӣ раиси ноҳия бо ҳамроҳии ҳайати расмӣ ба ҷойи баргузории чорабинии сиёсиву фарҳангӣ ташриф оварданд.
Дар макони баргузории чорабинӣ намоиши ҳунарҳои мардумӣ ва маҳсулотҳои кишоварзӣ ба марази тамошо гузошта шуда, раиси ноҳия ва меҳмонон аз ин намоиш дидан намуданд.
Пас аз ин раиси ноҳия суханронӣ намуда, кулли меҳмонон ва мардуми Ишкошимзаминро ба муносибати ин ҷашни пурифтихору муқаддаси миллати тоҷик табрику таҳният намуда, аз муввафақияту комёбиҳои 28 соли соҳибистиқлолии ватан ва дастоврдҳои ноҳия ёдовар шуданд.
Бахусус қайд намуданд, ки дар замони соҳибистиқлолӣ дар ноҳияи Ишкошим зиёда аз 110 иншооту биноҳои таъиноти гуногун бунёд гардида, алҳол фаъолияти босамар доранд, аз ҷумла бунёди муассисаҳои таҳсилотӣ, муассисаҳои табобативу профилактикӣ, коргоҳҳои хурди истеҳсолӣ, нуқтаҳои хизматрасонӣ, манзилҳои истиқомативу хатҳои обгузар ва ғайра ба ҳисоб мераванд.
Илова барин бо мақсади иҷрои Амри Президенти Ҷумҳурии Тоҷикистон аз 22 майи соли 2018, №АП -1059 Оид ба омодагии ҳамаҷониба ба ҷашни 30 солагии Истиқлолияти давлатии Ҷумҳурии Тоҷикистон дар ноҳия 70 адад иншоотҳои гуногун бо харҷи зиёда аз 110 миллион сомонӣ дар нақша буда, то имрӯз баъзе аз ин иншоотҳо ба муносибати ҷашнҳои Ваҳдати миллӣ ва Истиқлолияти давлатии Ҷумҳурии Тоҷикистон мавриди истифода қарор дода шудаанд.
Дар баробари раиси ноҳияи Ишкошим Мирзозода Мусо Одинамуҳаммад, муовини директори маркази миллии қонунгузории Ҷумҳурии Тоҷикистон Маҳмадшоҳзода Фарҳод Абдураҳмон аз номи Ҳукумати Ҷумҳурии Тоҷикистон ва муовини раиси Вилояти Мухтори Кӯҳистони Бадахшон Иматшозода Анвар аз номи мақомоти иҷроияи ҳокимияти давлатии Вилояти Мухтори Кӯҳистони Бадахшон сокинони ноҳияро ба муносибати ҷашни истиқлолияти давлатии Ҷумҳурии Тоҷикистон шодбош гуфтанд.
Дар идомаи чорабинӣ аз тарафи Маҳмадшоҳзода Фарҳод Абдураҳмон Ифтихорномаи Ҷумҳурии Тоҷикистон, ки аз ҷониби Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон, ки санаи 29 августи соли 2019 ба истиқболи 28 солагии истиқлолияти давлатии Ҷумҳурии Тоҷикистон ба намояндагони касбу кори гуногун, ки дар фаъолияти корӣ натиҷаҳои назаррас доранд, мукофотҳои давлатӣ, рутбаҳои баланди низомӣ ва унвону ҷоизаҳои давлатӣ ба Шермамадова Амина Шамсиддиновна – мудири филиали №72 –и бонки давлатии амонатгузории “Амонатбонк” дар ноҳияи Ишкошим супорида шуд.
Инчунин аз тарафи раиси ноҳияи Ишкошим дар чорабинии ҷашни 28 солагии истиқлолияти давлатии Ҷумҳурии Тоҷикистон ба як қатор кормандони идораву муассисаҳо, ки дар фаъолияти меҳнатиашон нишондодҳои назаррас доранд, бо ифтихорномаҳо қадрдонӣ карда шуданд.
Дастгирии оилаҳои камбизоат, ятимон, маъюбон ва шахсони яккаву танҳо дар ноҳия ба ҳукми аънана даромада, ҷиҳати дастгирӣ намудани ин табақаи ниёзманди аҳолӣ дар арафаи ҷашни 28 солагии истиқлолияти давлатии Ҷумҳурии Тоҷикистон бо маблағи зиёда аз 7,6 ҳазор сомонӣ кӯмаки яквақтаи маблағи расонида шуд.
Барномаи фарҳангии театрикунонидашудаи ҳунармандони ноҳия идомабахши ин чорабинӣ буд.
Тибқи нақша – чорабинии Мақомоти иҷроияи ҳокимияти давлати ноҳияи Ишкошим тантанаҳои ин неъмати бузург яъне истиқлолияти давлатии Ҷумҳурии Тоҷикистон дар ҷамоатҳои деҳоти ноҳия дар санаҳои 6 то 9 уми сентябр идома доранд.