29 августи соли 2019 сафари кории раиси ноҳияи Ишкошим Мирзозода Мусо Одинамуҳаммад ба ҷамоатҳои деҳоти Птуп ва Шитхарв идома ёфт. Дар ин сафари корӣ раиси ноҳияи Ишкошим бо мардум суҳбату вохӯриҳо доир намуда аз вазъи ҳаёти рӯзмарраи сокинони ин ҷамоатҳои деҳот аз наздик шинос гардид.
Зимни вохӯрӣ раиси ноҳия пеш аз ҳама сокинони ҷамоатҳои деҳотро ба фарорасии ҷашни 28 солагии Истиқлолияти давлатии Ҷумҳурии Тоҷикистон сидқан табрик намуда, ба кулли сокинони ин ҷамоатҳои деҳот ҷиҳати амалӣ гардидани нақшаву ниятҳояшон барору комёбӣ орзу намуд.
Дар идомаи суҳбату вохӯриҳо бо сокинони ҷамоатҳои деҳоти Птуп ва Шитхарв, Мирзозода Мусо Одинамуҳаммад – раиси ноҳияи Ишкошим таваҷҷуҳи сокинонро асосан ба масъалаҳои оғози соли хониши 2019 – 2020, дар сатҳи баланд ва бо дастовардҳои арзанда таҷлил намудани 28 солагии Истиқлолияти давлатии Ҷумҳурии Тоҷикистон, ҷамъоварии ҳосили зироатҳои кишоварзӣ, сафарбарнамоии ҷавонони синни даъват ба сафи Қувваҳои Мусаллаҳи Ҷумҳурии Тоҷикистон, омода намудани соҳаҳои иқтисодиёти иҷтимоиёти ноҳияи Ишкошим ба давраи тирамоҳу зимистони солҳои 2019 – 2020 ва омодагии ҳамаҷониба ба ҷашни пурифтихору муқаддаси миллӣ 30 солагии Истиқлолияти давлатии Ҷумҳурии Тоҷикистон ҷалб намуд