Имрӯз Раиси ноҳияи Ишкошим Мирзозода Мусо ҳайати корӣ, вобаста ба гузаронидани семинар дар мавзӯи “Конвенсия дар бораи ҳуқуқҳои маъюбон ва қонунгузории Ҷумҳурии Тоҷикистон ба маъюбон равона шудаанд”, ки дар ноҳия ба нақша гирифта шуда буд қабул намуд. Худи ҳамин рӯз дар маркази ноҳия семинар доир гардид. Лоҳиаи мазкур дар ҳамҷоягӣ ва намояндагии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, Созмони амният ва ҳамкорӣ дар Аврупо, Дафтари барномаҳо дар Душанбе ва Иттиҳодияи миллии маъюбони Ҷумҳурии Тоҷикистон байни кормандони соҳаи иҷтимоӣ гузаронида шуд.
Ҳамчунин дар рафти семинар сардори Раёсати ҳифзи иҷтимоии Ҷумҳурии Тоҷикистон Қурбонов Қудратулло, Зикрихудоев Асадулло роҳбари Иттиҳодияи миллии маъюбони Тоҷикистон ва Вафо Сафарзода мушовири Созмони амният ва ҳамкорӣ дар Аврупо, Дафтари барномаҳо дар Душанбе суханронӣ намуданд. Дар рафти семинар инчунин иҷрокунандаи вазифаи роҳбари Иттиҳодияи миллии ношунавоёни Тоҷикистон Бидиева Зебо, роҳбари Иттиҳодияи миллии нобиноёни Тоҷикистон Бобоев Муҳиддин, Мираюбов Шералӣ корманди Созмони занони маъюб “Иштирок” ва намояндаи “Ассостсиатсияи волидайни кӯдакони имконияташон маҳдуд” Хурсандова Аспармо баромад намуданд.
